رێڤەبەرێ گشتییێ چاندنێ ل پاێزگهها دهۆکێ دیار كر: بۆ جارا ئێكێ ل قهزا سێمێلێ نێزیکی هزار تهنێن پیڤازان هاتنه كۆگههكرن و ئهو پیڤازه بۆ ناڤخۆ و دەرڤهیی هەرێما کوردستانێ دێ هێنه هنارتن.
ئەحمەد جەمیل، زێدهتر بۆ ئاژانسا خانی گوت: د ڤی وهرزی دا بەرهەمێ پیڤازان گهلهك دهێته خوار، نوكه پیچهكێ گرانتر بووینە، چونکی بەرهەمێ ناڤخۆ کێمبوویە و ب تنێ ل كۆگههان ماینه، نوكه ل سنوورێ پارێزگهها دهۆکێ هزار و 400 تهنێن پیڤازان هەنە، ئهم كاری ل سهر هندێ کەین وی بهرههمی بۆ دهمهكێ درێژ کۆگههـ بکەین و د ههمان دهمدا دێ وێ رێژێ زێده کەین، بۆ هندێ بهایێ پبڤازان د ناڤا بازاری دا بلند نهبیت.
ناڤهاتی گۆت ژی: ئهڤ ساله ل قهزا سێمێلێ ل سهر 550 دۆنهمێن ئهردی پیڤاز هاتبوونه چاندن، ل شێخان پێنج هزار و 800 دۆنهم، ل بەردەڕەش هزار و 700 دۆنهم و ل ئاکرێ ژی دو هزار و 500 دۆنهمێن ئهردی، ب گشتی 10 هزار و 550 دۆنهمێن ئهردی ل سنووریێ دهۆکێ كرینه پیڤاز ، ژ هەردو جۆرێن پیڤازێن “سۆر و سپی”، دهێنه کۆگههـ کرن”.
ئهحمهد جهمیلی گۆت ژی: ل قهزا سێمێلێ جۆتیاران نێزیکی هزار تهنان كرینه پیڤاز و ل شێخان ژی نێزیکی 475 تهنان، ل ڤان نێزیكان دێ ڤرێكهینه بازارێن ناڤخۆ و دەرڤهیی هەرێما کوردستانێ و ههروهسا ل سنوورێ سێمێلێ پتر ژ 20 كۆگههان ههنە كو خودانێ” وان كوگههان جۆتیارن و ئهم ژی سهرپهرشتى و چاڤدێرییا وان دهكهین، هەروەسا ل سنوورێ پارێزگهها دهۆکێ ژی 126 كۆگههـ ههنە.
