وه‌زیرێ بازرگانییێ: ل سالا بهێت قستێن كۆمپانییان دێ ب دینارى هێنه‌ دان

وه‌زیرێ بازرگانییا هه‌رێما كوردستانێ ڕاگه‌هاند، ل سالا بهێت قستێن كۆمپانییان دێ ب دینارى هێنه‌دان، ئه‌ڤه‌ پێنگاڤه‌ ژ چارچووڤێ وان ڕێكارانه‌ یێن بۆ بلندكرنا بهایێ دینارێ عیراقى هاتینه‌ دانان.

كه‌مال موسلم وه‌زیرێ بازرگانی و پیشه‌سازییا حكومه‌تا هه‌رێما كوردستانێ د داخویانییێن ڕۆژنامه‌ڤانیدا دیاركر، ل سالا بهێت هه‌موو مامه‌له‌یێن حكومه‌تا عیراقێ دێ ب دینارى بن، حكومه‌تا هه‌رێمێ ژى بزاڤێ دكه‌ت پابه‌ندى وێ بریارێ بیت، ئه‌ڤه‌ ژى ژ چارچووڤێ وان ڕێكارانه‌ یێن بۆ بلندكرنا بهایێ دینارێ عیراقى به‌رامبه‌ر دۆلارێ ئه‌مریكى هاتینه‌ دانان.

وه‌زیرێ بازرگانییێ گوت ژى: هه‌ر ل سالا بهێت قستێن كۆمپانییان هه‌موو دێ ب دینارى هێنه‌دان، كو پێشتر ب دۆلارى بوون.