بەرپرسەكێ وەزارەتا كاروبارێن شەهیدان و ئەنفالكریێن حكومەتا هەرێما كوردستانێ ئاشكرا دكەت، بڕیارا دانا یەكەیا ئاكنجیبوونێ بۆ كەسوكارێن شەهید و ئەنفالكریان و زیندانێن سیاسی دێ هێتە ب جهئینان.
عادل سالح، ڕێڤەبەرێ ڕاگەهاندن و پەیوەندییێن وەزارەتا كاروبارێن شەهیدان و ئەنفالكریێن حكومەتا هەرێما كوردستانێ ئەڤڕۆ ڕاگەهاند، لدووڤ بڕیارا سەرۆكاتییا جڤاتا وەزیران، هەمی دامودەزگەهێن سیاسی ڕاسپاندیە كو كار ل سەر بابەتێ دانا زەڤیێ بۆ یەكەیێن ئاكنجیبوونێ بۆ كەسوكارێن شەهیدان و ئەنفالكریان و زیندانێن سیاسی بهێتەكرن.
ناڤبری دیاكر ژی، بڕیارا دانا زەڤیێ بۆ یەكەیێن ئاكنجیبوونێ بۆ كەسوكارێن شەهید و ئەنفالكریان و زیندانێن سیاسی دزڤریت بۆ وێ چەندێ كو بەری نوكە پشكەك ژ وان زەڤی وەرگرتینە بەلێ ئاریشا ئاكنجیبوونێ چارەسەر نەكربوو.
دهێتە زانین، زێدەتر ژ 100 هزار كەسوكارێن شەهید و ئەنفالكریان و پێنچ هزار زیندانێن سیاسی ل هەرێمێ هەنە و ژلایێ حكومەتا هەرێمێ ڤە پشكەك ژ وان زەڤی وەرگرتینە.
