<h3 style="text-align: justify;"><span style="font-size: 18pt;">نڤیسینگهها ڕاگههاندنا سهرۆكوهزیرێن عیراقێ ڕاگههاند، محهمهد شیاع سوودانى سهرۆكوهزیرێن عیراقێ، شیرهتكارێ كاروبارێن دهستوورى ڕاسپارد لژنهیهكێ بۆ پێداچوونێ دقانوونا دادگهها بلندا فیدرالیدا پێكبینیت، ئهندامهكێ جڤاتا نوونهرێن عیراقێ ژى دیاركر، لایهنێن كوردى دگهل هندێنه كو قانوونهك بۆ داداگهها فیدرالى بهێته دانان.</span></h3> <h3 style="text-align: justify;"><span style="font-size: 18pt;">نڤیسینگهها ڕاگههاندنا سهرۆكوهزیرێن عیراقێ ئاماژه ب هندێ كر، حكومهتێ ڕهشنڤیسێ پرۆژهقانوونێ ئامادهكرییه و بزاڤێن پێداچوونێ د هندهك دهق و تهوهراندا دكهت كو ل خۆلێن پێشتر یێن جڤاتا نوونهران جهێ نهڕازیبوونێ بوون.</span></h3> <h3 style="text-align: justify;"><span style="font-size: 18pt;">چیایى تهیمور ئهندامێ جڤاتا نوونهرێن عیراقێ بۆ ئاژانسا خانى ئاشكراكر، دادگهها فیدرالى چ قانوون نینن، ئهوا نوكه ههى ژى یا كهڤنه، د دهستووریدا هاتییه دیاركرن، كا كارێ دادگهها فیرالى چییه و ئهركێن وێ چنه، ل خۆلا بوورى یا پهرلهمانى پرۆژهقانوونا دادگهها فیدرالى هاتبوو پێشكێشكرن، خواندنێن ئێكێ و دووێ ژى بۆ هاتبوونه كرن، چهند ماددهیێن وێ هاتبوونه پهسهندكرن ژى، لێ تهوافق نهبوو و هاتبوو پاشخستن.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، لایهنێن كوردى دگهل هندێنه قانوونهك بۆ دادگهها فیدرالى بهێته دانان، دڤێت نوكه ڕهشنڤیسهكێ نوو بهێته ئامادهكرن و دهنگدانهكا نوو ل سهر بهێتهكرن، لێ پێدڤییه ههموو هێزێن سیاسى و نیشتیمانى شیرهتكارییێ ل دۆر ڕهشنڤیسێ پرۆژهقانوونێ بكهن و ل سهر ڕێكبكهڤن.</span></h3>
