لدووڤ رێپیڤانهكا دەستەیا ئامارێ، ل هەرێما کوردستانێ پتر ژ حەفت هزار موەلیدێن ئەهلی هەنه و کارەبێ ددەنە پتر ژ ملیۆنهک و 311 هزار ههڤپشكان، كو پرانییا وان ل سلێمانییێ نه و کێمترین ژی ل پارێزگهها دهۆکێ نه و سهرجهمێ گشتی یێ جهێن موهلیدان ل ههرێما كوردستانێ 3 هزار و 108 موهلیدهنه” سهرجهمێ وان یێ گشتی حهفت هزار و 354 موهلیدهنه”
لدووڤ ئامارێن دەستەیا ئامارێ، کو ل سالا 2021 ێ دەست ب کۆمکرنا وان هاتییه کرن، ل ههموو هەرێما کوردستانێ 14 ژن خودان موەلیدەنه. دهربارهیی بهایێ ئەمپێر ژی دەستنیشان کرییە، كو کێمترین بها ل سلێمانییێ بوویە و زۆرترین ژی ل هەولێرێ بوویه.
محهمهد توفیق، سهرپهرشتییارێ رێپپڤانێ ل دهستهیا ئامارا ههڕیمێ كوردستانێ بۆ ئاژانسا خانی گۆت” گهلهك دهم پێڤهچوو ههتا مه ئهو ئاماره چێكرین و بلاڤكرین” ههروهسا داكو بزانین کاریگەرییا ژینگەها موەلیدان چەندە، چەند دهلیڤێن كاری پهیدا كرینە، داهاتێ وان چەندە و چەند رۆن و گازوایل دڤێت”.
ههروهسا دبێژیت : ل ههموو هەرێما کوردستانێ حەفت هزار و 354 موەلیدەیێن ئەهلی کار دکەن و ل دهمێ نەبوونا کارەبا نیشتمانیدا لدووڤ خشتەیێ لبەردەستێ وان کارەبێ ددەنە ههڤپشكێن خۆ.
ل هەرێما کوردستانێ ملیۆنهک و 311 هزار و 598 ههڤپشكێن کارەبا موەلیدان هەنه و 5 ملیۆن و 290 هزار و 169 ئەمپێرێن کارەبێ بکاردئینن؛ لدووڤ ئامارێن ناڤا وێ رێپیڤانێ، ههیڤانە موەلیدە 428 ملیۆن و 865 هزار و 922 لیترێن سووتەمەنییێ بکاردئینن.
