شاخه‌وان عه‌بدوللا: داخوازێ ژ حكومه‌تا عیراقێ دكه‌ین لێكۆلینێ ل سه‌ر وێ هێرشێ بكه‌ت یاكو ل سه‌ر هێزێن پێشمه‌رگه‌یی هاتییه‌ كرن

ئاژانسا خانی:

جێگرێ سەرۆکێ پەرلەمانێ عێراقێ ئیدانا ب ئارمانجگرتنا بارەگایێن هێزێن پێشمەرگەیێ کوردستانێ دكه‌ت و گۆت: ئەڤا دهێته‌ كرن بزاڤه‌كا بێ هیڤییه‌ بۆ تێکدانا ئاسایش و سەقامگیرییا هەرێما کوردستانێ.

شاخەوان عەبدوللا زێده‌تر دبێژیت: هێرشا ل سه‌ر‌ باره‌گایێن‌ هێزێن‌ پێشمه‌رگەیی ل‌ پارێزگه‌ها‌ هه‌ولێرێ ئیدانه‌ دكه‌ین و یاكو دوهی ئێڤاری هاتییه‌ كرن بۆ سه‌ر هێزێن پێشمەرگەیێ کوردستانێ و گۆت: ئەو هێرشە ژلایێ گرووپێن ژ‌ یاسایێ ده‌ركه‌فتین ب دو فڕۆكێن‌ بێفڕۆكه‌ڤان یێن‌ بۆمبڕێژكری هاتییه‌ ئەنجامدان، د بزاڤه‌كا‌ بێ هیڤی دا بۆ تێكدانا‌ ئاسایش و سه‌قامگیرییا‌ ‌هه‌رێمیا كوردستانێ‌ عێراقێ.

ناڤهاتی” داخواز ژ‌ حكومه‌تا‌ فیدڕالی‌ کرییە، لێكۆلینێ ل سه‌ر وێ هێرشێ بكه‌ت‌، ئه‌وان لایه‌نان‌ ئاشكرا بكه‌ت یێن كو ل پش وان كریاران، ل گەل هندێ ژی رێكاریێن توند ب‌ هه‌ماهه‌نگی‌ و هاریكارییان‌ ل گه‌ل حكومه‌تا‌ هه‌رێمیا كوردستانێ بگریتەبه‌ر، ژ پێخه‌مه‌ت ڕێگریكرنێ ل وان گرووپێن‌ چه‌كداران‌، داخواز کرییە لێپرسینێ‌ ل گەل بکەرێن وێ روودانێ بکەن،  چونكی‌ بوویه‌ ئه‌گه‌رێ‌ مه‌ترسییێ‌ و گه‌فێن راسته‌قینه‌ بۆ سه‌ر ئاسایشا هه‌موو عێراقێ.