سهرۆكێ ههرێما كوردستانێ دڕاگههاندنهكێدا ئیدانهیا پهقینێن باژێرێ كرمان یێ ئیرانێ كر، كو ژ ئهگهرێ وان پهقینان ههتا نوكه زێدهتر ژ 100 كهسان گیانێ خوه ژ دهستدایه.
نێچیرڤان بارزانى سهرۆكێ ههرێما كوردستانێ د ڕاگههاندنهكێدا ئاشكراكر، ئهو ئیدانهیا ئهوان پهقینێن تیرۆرستى دكهت یێن ئهڤرۆ باژێرێ كرمان یێ كۆمارا ئیسلامییا ئیرانێ كرییه ئارمانج و ژ ئهنجامێ وێ ب دههان وهلاتییان گیانێ خوه ژ دهستداى و برینداربووین.
ههروهسا دیاركر، سهرهخۆشییێ ل سهركردایهتى و حكومهت و گهلێ دۆستێ كۆمارا ئیسلامییا ئیرانێ دكهت و ههڤسوز و ههڤخهمێ وایه، خودایێ مهزن گیانێ قوربانییان ب مهزنى و دلۆڤانییا خوه شاد بكهت و ئارامى و بێهن فرههییێ ب مالبات و كهسوكارێن وان بدهت، هیڤییا زوو ساخبوونێ بۆ برینداران دخوازیت.
