هه‌وار محه‌مه‌د: ل حه‌فتییا بهێت ده‌رئه‌نجامێن تانه‌یێن هه‌لبژارتنان دێ هێنه‌ ئاشكرا كرن

ئاژانسا خانی:

به‌رپرسێ پشكا قانوونی ل ده‌زگه‌هێ هه‌لبژارتنێن پارتی دیموكراتی كوردستان دیاركر: بۆ هه‌لبژارتنێن جڤاتێن پارێزگه‌هێن عیراقێ‌ مه‌ به‌لگێن ب ‌هێز داینه‌‌ كۆمسیۆنا بلندا هه‌لبژارتنان و ل حه‌فتییا بهێت ده‌رئه‌نجامێن وان تانه‌یێن ل هه‌لبژارتنان هاتینه‌ دان دێ هێنه‌ ئاشكرا ‌كرن.

هه‌وار محه‌مه‌د، زێده‌تر گۆت: بریارە ل حه‌فتییا بهێت‌ ده‌رئه‌نجامێن تانه‌یێن لایه‌نه‌یان بۆ ئه‌نجامێن هه‌لبژارتنا بهێنه‌ دیاركرن و ئێكلا كرن، مه‌ ژی وه‌كو پارتی دیموكراتی كوردستان‌ به‌لگه‌یێن ب ‌هێز ل ‌سه‌ر پێشێلكاریێن د‌ هه‌لبژارتنان دا هاتینه‌ كرن پێشکێشی كومسیۆنێ کرینە، چونكی لده‌ف مه‌ هنده‌ك ژ وان جهێ گۆمانێ نه‌‌، له‌وما مه‌ به‌لگه‌ داینه‌‌ كۆمسیۆنا بلندا هەڵبژارتنێن عێراقێ ل ‌سه‌ر جۆر و ره‌نگێ وان پێشێلكارییان، بۆ نموونه‌ ل ‌هنده‌ك وێستگه‌هێن ده‌نگدانێ ل ‌كه‌ركووكێ ل جهێ سالا 2023 ێ، شریتا سالا 2018 ێ یێ وێ ده‌نگدانێ نڤیسابوو‌‌، ئه‌ڤه‌ ژی پتر گومانێ دروست دكه‌ت” كانێ بۆچی به‌روارا وێ سالێ هاتییه‌ گوهۆرین.