هه‌دیه سمكۆ كچا سمكۆیێ شكاك د ژییێ 100 سالییێدا ل باژێرێ وان یێ باكوورێ كوردستانێ وه‌غه‌ركر.
ل دووڤ زانیارییان، هه‌دیه سمكۆ، كچا سمكۆیێ شكاك كو دووماهى زارۆیا وى سه‌ركرده‌یێ كوردێ ڕۆژهه‌لاتا كوردستانێ بوو دژیانێدا ماى، ژ ئه‌گه‌رێ نه‌خۆشییا گۆلچیسكان ل نه‌خۆشخانه‌یا باژێرێ وانێ وه‌غه‌را دووماهییێ كر.
ئه‌و ده‌مه‌ك بوو گۆلچیسكێن هه‌دیه سمكۆى ژ كاركه‌ڤتین و ل پشكا چاڤدێرییا چرا نه‌خۆشخانه‌یه‌كا وانێ د هاتنه چاره‌سه‌ركرن.
بریاره ته‌رمێ هه‌دیه سمكۆى بۆ گۆندێ نۆشار یێ سه‌ر ب قه‌زایا قه‌لقه‌لییا پارێزگه‌ها وانێ ڤه كو جهێ ئاكجیبوونا وێ بوو ب ئاخێ بهێته ڕاسپاردن.
هه‌دیه سمكو خووشكا تاهرخان، باباخان، خسرۆخان و قوباد خان هه‌ر چار كورێن ئیسماعیل ئاغایێ شكاك یێ به‌ر نیاس ب ( سمكۆیێ شكاك ) بوو، دووماهى زارۆیا وى بوو كو دژیانێدا مایى، وێژى دژییێ 100 سالییێدا وه‌غه‌ركر.
