ئەڤرۆ چارشەمبی 10 ی كانوونا دووێ 2024 ێ، ب سەرپەرشتییا سەرۆکوەزیران مەسرور بارزانی و ب ئامادەبوونا قوباد تالەبانی، جێگرێ سەرۆکوەزیران، جڤاتا وەزیرێن هەرێما کوردستانێ کۆمبوو.
د برگا ئێكێ دا، ئەنجامێ سەره‌دانا ڤێ حه‌فتییێ شاندێ دانوستانکار یێ هەرێما کوردستانێ بۆ بەغدا ژلایێ ئاوات شێخ جەناب، وەزیرێ دارايى و ئابوورى و ئامانج ڕەحیم سکرتێرێ جڤاتا وەزیران خستییه به‌رچاڤ، کو تایبەت بوو ب گوتۆبێژکرنێ ل سەر مووچەیێ فه‌رمانبه‌رێن هەرێما کوردستانێ و هەمواركرنا یاسایا بودجەیێ فیدرالی و دەستپێکرنا هنارتنا نەفتا هەرێما کوردستانێ و تێچوویێ بەرهەمئینانێ و ڤه‌گوهاستنێ.
جڤاتا وەزیران دیاركر: دڤێت حکومەتا فیدڕالی بەرپرسیاره‌تییا خۆ بجهبینیت بۆ هنارتنا ئەوان مووچه‌یان و ئه‌م چاڤه‌رێ حکومەتا فیدڕالینه بۆ ڤێ هه‌یڤێ، هه‌ڤشێوێ ده‌ڤه‌رێن دیتر یێن عێراقێ ، مووچەیێ فه‌رمانبه‌رێن هەرێمێ خەرج بکه‌ت.
