ل رۆژا دوشه‌مبی كۆربه‌ندێ ئابووری یێ جیهانی ل داڤۆس دێ هێته‌ گێران

ل رۆژا دوشەمبی 15 ی كانوونا دووێ 2024 ێ”  كۆربەندێ ئابووری یێ جیهانی یێ 54 ێ ل داڤۆس دێ هێته‌ گێران و نێزیكی 100 سەرۆكێن وه‌لاتان و سەرۆكوەزیر و مێهڤانێن فەرمی و ب پشكدارییا نێزیكی 2800  كەسایەتیێن سیاسی ، ئابووری ، زانستی ، كەسێن ناڤدار یێن جیهانی و ب پشكدارییا پتر ژ هزار كۆمپانییان ، كۆڕبەندێ ئابووری یێ جیهانی ل رۆژێن 15 ێ هه‌تا 19 ی ڤێ هه‌یڤێ دێ ل داڤۆس هێته‌ گێران.

بۆ پاراستنا مێهڤانێن كۆربەندێ داڤۆس، سوپایێ سویسرا پێنج هزار سەربازان ل ئه‌ردی بنه‌جهـ دكه‌ت، هەروەسا چاڤدێرییا ئه‌سمان دكه‌ت و فرین ل ئه‌سمانێ داڤۆس ژی دهێته‌ سنووردار كرن.

هەروەسا سوپا مێهڤانان ب هیلیكۆپتەران  ڤه‌دگۆهێزیت، سوپایێ سویسرا ب هەماهەنگی ل گەل هێزێن ئه‌سمانی یێن ئیتالیا و نەمسا ، ئۆپەراسیونێن هه‌ڤپشك ل ئه‌سمانی ئەنجام ددەن” دیسان ژ بلی فڕۆكێن سوپایی، هەمی فرین ل ئه‌سمانێ داڤۆس بۆ ده‌مێ حەفتییەكێ قەدەغەنە.