سه‌رۆك نێچیرڤان بارزانى دگه‌ل محسن مه‌نده‌لاوى كۆمبوو

نێچیرڤان بارزانى سه‌رۆكێ هه‌رێما كوردستانێ دبه‌رده‌وامییا دیدار و كۆمبوونێن خوه‌دا ل به‌غدا، دگه‌ل محسن مه‌نده‌لاوى جێگرێ ئێكێ یێ سه‌رۆكێ جڤاتا نوونه‌رێن عیراقێ كۆمبوو.

دكۆمبوونێدا ڕه‌وشا سیاسى و ئه‌منى و رۆلێ سه‌رۆكایه‌تییا جڤاتا نوونه‌ران دچاره‌سه‌ركرنا ئاریشه‌یێن وه‌لاتیدا ب تایبه‌تى ئاریشه‌یێن هه‌ولێر – به‌غدا و پرۆسه‌یا هه‌لبژارتنا سه‌رۆكێ نوو یێ جڤاتا نوونه‌رێن عیراقێ هاتنه‌ گوتوبێژكر.

هه‌ردوو لایان دووپاتى ل هندێ كر، ئارامى و سه‌قامگێرییا عیراقێ پێكڤه‌ یا گرێدایه‌، تێكچوونا سه‌قامگێرییا هه‌ر پشكه‌كا عیراقێ، كارتێكرن ل سه‌ر ئارامى و سه‌قامگێرییا تماما وه‌لاتى هه‌یه‌، له‌وما دڤێت هه‌موو ل عیراقێ كار بۆ پاراستنا ئارامى و سه‌قامگێرییێ بكه‌ن.