<h2 style="text-align: justify;"><span style="font-size: 18pt;">جڤاتا وهزیرێن عیراقێ ئهڤرۆ دێ كۆمبیت، محهمهد شیاع سوودانى سهرۆكوهزیرێن عیراقێ سوزدایه شاندێ ههرێما كوردستانێ كو بابهتێ ههموارا قانوونا بودجهى ببهته ناڤا كۆمبوونێ داكو بریار ل سهر بهێتهدان.</span> <span style="font-size: 18pt;">هاریكارێ سهرۆكوهزیرێن ههرێما كوردستانێ دبێژیت: سوودانى سوزدایه كو ئهو پرۆژهیه بلهز ل جڤاتا وهزیرێن عیراقێ بهێته پهسهندكرن و ڕهوانهى جڤاتا نوونهران بهێتهكرن، داكو ئاریشهیا مووچهیێ فهرمانبهرێن ههرێما كوردستانێ بهێته چارهسهركرن.</span> <span style="font-size: 18pt;">ڕێباز حهملان هاریكارێ سهرۆكێ حكومهتا ههرێما كوردستانێ دیاركر، عیراق دێ بابهتێ مووچهى ژ (ئینفاقا فیعلی ) دهرخینیت و ئێخیته سهر بودجهیا ( حاکیمە )، ژ وێ بودجهیێ سالانه 10 ترلیۆن و 400 ملیار دینار بۆ مووچهیێ فهرمانبهرێن ههرێما كوردستانێ هاتینه دابینكرن.</span> <span style="font-size: 18pt;">ئاماژه ب هندێ ژى دا، ئهو گوهۆرینه دێ ژلایێ دوو لژنهیێن عیراقێ و ههرێما كوردستانێڤه د قانوونا بودجهیا گشتییا عیراقێدا هێنهكرن، ههموار دێ هێته ئامادهكرن و بۆ جڤاتا وهزیران هێته هنارتن، بریاره د كۆمبوونا جڤاتا وهزیراندا دهنگ ل سهر بهێتهدان، دووڤدا بۆ جڤاتا نوونهران بهێته هنارتن داكو ل وێرێ بهێته پهسهندكرن.</span></h2>
