ل سەلاحەددین سەرۆک بارزانی پێشوازی ل سینگچۆل لیم کونسولێ گشتییێ نوو یێ کۆریا باشوور ل هەولێرێ کر و هیڤی خواست پەیوەندییێن هەولێر و سیئۆل پتر پێشبكه‌ڤن.
د وێ دیدارێ دا کونسولێ کۆریا باشوور دلخۆشییا خۆ ده‌ربری، کو وەک کونسولێ وه‌لاتێ خۆ ل هەرێما کوردستانێ دەستبکاربوویە و پێزانین بۆ رۆلێ کوردستانێ و هێزێن پێشمەرگەیێ کوردستانێ هەبوون، كو ژ پێخه‌مه‌تی ئازادی و پاراستنا سەقامگیرییێ و ئاسایشێ خه‌باتێ دكه‌ن.
کونسولێ نوو یێ کۆریا باشوور به‌حسێ پەیوەندییا دۆستانە یا دناڤبه‌را گەل و حکومەتا هەرێما کوردستانێ و کۆمارا کۆریا باشوور کر و ئامادەییا خۆ و وه‌لاتێ خۆ نیشاندا بۆ ب هێزكرن و هێلانا ئه‌وان پەیوەندیان د هەموو بیاڤان دا.
سەرۆک بارزانی پیرۆزباهییا دەستبکاربوونێ ل کونسولێ نوو یێ کۆریا باشوور ل هەولیرێ کر و هیڤییا سەرکەفتنێ بۆ خواست، هەروەسا سوپاسییا گەل و حکومەتا کۆریا باشوور و هێزا زەیتونی یا کۆریا باشوور کر، کو وان هاریکارییا هەرێما کوردستانێ کرییە.
