ئاژانسا خانی:
ئەڤرۆ دوشەمبی، 15-01-2024 ێ، مەسرور بارزانی، سەرۆکێ حکومەتا هەرێما کوردستانێ ب سەرۆکاتییا شانده‌كێ بۆ پشكداریکرنێ د کۆڕبەندێ ئابوورییێ جیهانی دا ل داڤۆس” بەرەف وه‌لاتێ سویسرا برێکەفت.
د. نه‌وزاد هێتۆتی” مامۆستایێ پشكا زانستێن سیاسی ل زانكۆیا سه‌لاحه‌دین ل هه‌ولێرێ” بۆ ئاژانسا خانی گۆت: پشكداریییا سه‌رۆكوه‌زیرێن هه‌رێما كوردستانێ مه‌سرور بارزانی د كۆڕبه‌ندێ ئابوورییێ جیهانی دا ل داڤۆس ل سه‌ر ئاستێ سیاسی و ئابووری گرنگه، ب تایبه‌تی ئه‌وێن خودانێن بڕیارا سیاسی و ئابووری ل سه‌ر ئاستێ نێڤده‌وله‌تیدا پشكدارییێ د وی كۆربه‌ندی دا دكه”. هه‌روه‌سا پشكدارییا هه‌رێما كوردستانێ د وی كۆڕبه‌ندی دا ل سه‌ر هه‌ردو ئاستێن سیاسی و ئابووری گه‌له‌ك یا گرنگه، چونكی هه‌تا نوكه كێشێن دناڤبه‌را به‌غدا و هه‌ولێرێ د به‌رده‌وامن و نه‌هاتینه چاره‌سه‌ركرن، هه‌رێما كوردستانی دشێت مفایی ژ وان ده‌لیڤان ب بینیت و جاره‌كا دیتر ل داڤۆس ئه‌وان بابه‌تان بێخیته هه‌مبه‌ری پشكداربوویان.
ناڤهاتی گۆت ژی: كۆڕبه‌ندێ ئه‌ڤ ساله تایبه‌تمه‌ندییا خۆ هه‌یه ب تایبه‌تی كو ل سه‌ر ئاستێ جیهانێ شه‌رێ رووسیا و ئۆكرانیا یێ به‌رده‌وامه و شه‌رێ غه‌ززه و ململانێ و ئالۆزییێن ده‌ڤه‌را كه‌نداڤی ژی ب توندی سه‌رهه‌لداینه” برێڤه‌چوونا ئه‌ڤی كۆڕبه‌ندی ژ لایه‌كێ دیڤه یێ هه‌ڤده‌مه ل گه‌ل نه‌سه‌قامگیرییا ئابووری ل سه‌ر ئاستێ جیهانێ” د ڤی چارچۆڤه‌یی دا پشكدارییا هه‌رێما كوردستانێ ل سه‌ر هه‌ردو ئاستێن سیاسی و ئابووری گه‌له‌ك گرنگییا خۆ هه‌یه.
