هەروەسا بالیۆزێ بریتانیا راگەهاند: بریتانیا رێزێ ل پاراستنا ئێکپارچەیی و سەروەرییا ئاخا عێراقێ دگریت و نابیت عێراق و هەرێما کوردستانێ ببنه گۆڕەپانا توندوتیژییا وهلاتێن ڤێ دهڤهرێ و پێدڤییە عێراق و وهلاتێن جیران ڕێزێ ل سەروەرییا ئاخا ئێك بگرن.
سەرۆک بارزانی سوپاسییا پشتهڤانی و ههڤسۆزی و ههڤخەمییا بالیۆز و حکومەتا بریتانیا کر، ب ناڤێ گەلێ کوردستانێ و بنەمالا شەهید و قوربانیێن کارەساتا هەولێرێ سوپاسییا گەل و حکومەتا بریتانیا کر. هەروەسا تهكهزی ل سهرهندێ كر” كو ههردهم ئهو دخوازن پەیوەندییێن دۆستانە و ب هێز یێن هەرێما کوردستانێ و عێراقێ ل گهل وهلاتێن جیران ل سەر بنەمایێ ڕێزگرتنا ههڤپشك ههبن” هەروەسا سەرۆک بارزانی راگەهاند: ئەو هێرشێن ژ لایێ سوپایێ پاسدارانڤه هاتینه کرن بۆ سەر هەولێرێ ب بههانهیا نهراست و بێ بنەما، زولمهكا مهزنبوو ل گەلێ کوردستانێ هاتییه کرن و بنپێکرنا سەروەرییا ئاخا عێراقێ و هەرێما کوردستانێ بوو.
سەرۆک بارزانی گۆت ژی: ب ڤان هێرشان ئیرادا گەلێ کوردستانێ ناشکێت بەلکو دێ ب هێزتر و بیت.
