ته‌وه‌رێ سه‌ره‌كییێ كۆمبوونێ یێ تایبه‌ت بوو ب هێرشا ئیرانێ بۆ سه‌ر هه‌ولێرێ كو گه‌فه‌كا راسته‌قینه‌یه ل سه‌ر هه‌رێما كوردستانێ و بنپێكرنا ئاشكرا یا سه‌روه‌رییا عیراقێ و هه‌رێما كوردستانێیه، هه‌ردوو لایه‌ن ل سه‌ر گرنگییا پاراستنا ئاسایش و سه‌قامگێرییا عیراقێ و هه‌رێما كوردستانێ د هه‌ڤرابوون.
ماكرۆنى هه‌ڤخه‌مییا خوه بۆ سه‌رۆكێ حكومه‌تێ دیاركر و پشته‌ڤانییا تمام یا وه‌لاتێ خوه بۆ هه‌رێما كوردستانێ دووپاتكر.
سه‌رۆكێ حكومه‌تێ سوپاسییا سه‌رۆك ماكرۆنى و فره‌نسا كر بۆ هه‌ڤخه‌مى و پشته‌ڤانییا وان یا به‌رده‌وام ل هه‌رێما كوردستانێ، كو دقووناغێن جۆدا دا فره‌نسا هه‌رده‌م پشته‌ڤانییا گه‌لێ كوردستانێ كرییه.
