<h2 style="text-align: justify;"><span style="font-size: 18pt;">ئاژانسا خانی، تایبەت</span></h2> <h2 style="text-align: justify;"><span style="font-size: 18pt;">ڕێڤەبەرێ پەروەردا شنگالێ یا زمانێ كوردی ئاشكەراكر، " حكومەتا عیراقێ بڕیاردایە پاران بدەتە قۆتابییێن هەژار و دەستكورت یێن قۆتابخانێن زمانێ عەرەبی، لێ ئەڤ بڕیارە قۆتابخانێن زمانێ كوردی ناڤەگریت. "</span></h2> <h2 style="text-align: justify;"><span style="font-size: 18pt;">میەسەر حەجی سالح، ڕێڤەبەرێ پەروەردا شنگالێ یا زمانێ كوردی بۆ ئاژانسا خانی گۆت: بڕیارا حكومەتا عیراقێ بۆ هەمی قۆتابییانە یێن ب زمانێ عەرەبی دخوینن و هەر قۆتابییەكێ قۆناغا سەرەتایی دێ كۆژمێ 30 هزار دیناران پێ هێتەدان، ب وی مەرجی ناڤێن وان د تۆڕا چاڤدێرییا جڤاكی یا وەزارەتا كار و كاروبارێن جڤاكی دا د تۆماركری بن.</span></h2> <h2 style="text-align: justify;"><span style="font-size: 18pt;">دیار ژی كر، " جهێ داخێ یە نوكە ل دەڤەرێن ڤەقەتییای خوێندكارێن قۆتابخانێن خواندنا كوردی بەرەڤ قۆتابخانێن عەرەبی دچن، ژبەركو پتریا وان ژ خێزانێن هەژارن و حكومەتا عیراقێ قۆتابییێن خواندنا كوردی ژێ بێ بەهركرینە. هەرچەندە مە گەلەك بزاڤكرینە و داخوازی پێشكێشی جهێن شولەژێ كرینە، لێ بەرسڤا داخوازییێن مە نەهاتییەدان. "</span> <span style="font-size: 18pt;">ل دویڤ زانیارییێن ئاژانسا خانی، بڕیارا حكومەتا عیراقێ دێ هەمی قۆناغێن خواندنێ ڤەگریت، ب ڕەنگەكی كو قۆتابییێن قۆناغا سەرەتایی 30 هزار دینار، ناڤنجی و ئامادەیی 50 هزار دینار، بەكالریۆس 100 هزار دینار و ماستەر و دكتۆرا 150 هزار دیناران دێ پێ هێنەدان. كۆژمێ 72 ملیار دیناران ژ د بۆدجەیا عیراقێ بۆ ڤێ مەرەمێ هاتییە تەرخانكرن و پتر ژ دوو ملیۆن قۆتابییان دێ ژێ سوودمەندبن.</span></h2>
