ئاژانسا خانی:
رێڤەبەرێ گشتییێ وەبەرھێنانێ ل ئیدارا سەربەخۆیا زاخۆ دیار كر: ل ده‌ستپێكا ئه‌ڤ ساله دێ مۆله‌تێ ده‌ینه ١٢ پڕۆژێن وەبەرھێنانێ ل زاخۆ و ئه‌رد ژی بۆ وان پرۆژان هاتییه دیار كرن و پرانییا وان پرۆژان گه‌شتییارینه، سەرمایا وان پڕۆژان ژی ٦٥ ملیۆن دۆلارن و ههروهسا وەبەرھێنانا زاخۆ دێ ٢٨ پڕۆژێن دیتر ڕاگه‌هینیت بۆ هندێ وەبەرهێنەر ئەنجام بدەن” ههروهسا وه‌به‌رهێنه‌ران ژی 113 پرۆپۆزه‌ل پێشكێش كرینه و هه‌تا نوكه مه 42 پرۆژه ژ وان په‌سه‌ند كرینه و ب سه‌رمایا 362 ملیۆن دۆلاران و هه‌كه ئه‌رد ژلایێ باژێرڤانییێ بهێته ده‌ست نیشانكرن” ئه‌ڤ ساله دێ موله‌تێ ده‌ینه وان پرۆژان ژی.
جەگەرخوین تاھر” زیده‌تر بۆ ئاژانسا خانی دبێژیت: پێداچوونا دووماهییێ بۆ ١٢ پڕۆژێن وەبەرھێنانێ ل ئیدارا سەربەخۆیا زاخۆ هاتییه کرن و مۆله‌ت دێ ب وان پرۆژان هێته دان، سەرمایا وان پرۆژان ژی ٦٥ ملیۆن دۆلارن، ژ وان ژی دو پارکێن نوو و پڕۆژەكێ وەرزشی و پڕۆژەكێ ساخله‌مییێ و چەندێن پرۆژێن دیتر دناڤدانه.
گۆت ژی: مە 28 پڕۆژێن دیتر ئامادەکرینە و راگه‌هاندینه، ھەر وەبەرھێنەره‌كێ بڤێت پشكداربیت د ئەنجامدانا ئەوان پڕۆژان دشێت داخوازییێ پێشکێش بکه‌ت و پرانییا كه‌رتان بخۆڤه دگریت.
جەگەرخوین تاھری گۆت ژی: ئه‌ڤ ساله دێ گرنگی ب ستانداردکرنا پڕۆژان هێته دان و ئه‌م کار دکەین بۆ هندێ ڕێژا كه‌سكاتییێ ل زاخۆ زێده بكه‌ین.
