وەزیرێ پێشمەرگەیی یێ حکومەتا هەرێما کوردستانێ ل گەل بەرپرسێ تیما بلندا شیرهتكارییا ههڤپەیمانان و بەرپرسێ ئۆفیسا هەماهەنگییێ ل کونسوڵخانا ئەمریکا و شیرهتکارێن بلندێن وهلاتێن پشكدار د ههڤپەیمانییا نێودەولەتی دا کۆمبوو.
ئەڤرۆ سێشەمبی، 23 کانوونا دووێ 2024 ێ، شۆرش ئیسماعیل، وەزیرێ پێشمەرگەیی یێ حکومەتا هەرێما کوردستانێ ل گەل جەنەڕاڵ مەکێنزی بەرپرسێ تیمێ بلندێ شیرهتکارێن ههڤپەیمانان و کۆڵۆنێل مایکل گاچێرۆ بەرپرسێ ئۆفیسا هەماهەنگییێ ل کونسوڵخانا ئەمریکا و و شیرهتکارێن بلندێن وهلاتێن پشكدار د ههڤپەیمانییا نێڤدەولەتی دا ل هەرێما کوردستانێ کۆمبوو.
د وێ کۆمبوونێ دا، بابهتێ چاکسازییێ و رێکخستن و یەکخستنا هێزان و هاریکارییێن ههڤپەیمانان بۆ وەزارەتا پێشمەرگەیی، هەروەسا خۆ ئامادەکرن بۆ هەلسەنگاندنا سالانه یا بجهئینانا یاداشتناما لێکتێگەهشتنێ یا دناڤبهرا وەزارەتا پێشمەرگەیی و وەزارەتا بەرگرییا ئەمریکا هاتنه بهحس کرن.
مهكێنزی گۆت ژی: ئیرادەكا ب هێز ل وەزارەتا پێشمەرگەیی بەرامبەر پرۆسا چاکسازییێ ههیه، ئهم ژی وهكو ههڤپەیمانییا نێڤدەولەتی دێ پشتهڤانێن وان بین د پرۆسا چاکسازییێ و ئێکگرتنا هێزێن 70 و 80، و پیشخستنا کاروبارێن فرقان ل وەزارەتا پێشمەرگەیی.
