<h3 style="text-align: justify;"><span style="font-size: 18pt;">ل دووڤ ڕێكارێن نوو ل عیراقێ، كارتێن ئهلكترۆنى بۆ بازرگانێن بچووك دێ هێنه دروستكرن، داكو بازرگان بشێن ههیڤانه ب كێمانى 100 هزار دۆلاران ب بهایێ فهرمى ژ بانكا ناڤهندى بۆ هاوردهكرنێ بكرن.</span></h3> <h3 style="text-align: justify;"><span style="font-size: 18pt;">ب فهرمانا محهمهد شیاع سوودانى سهرۆكوهزیرێن عیراقێ كارتا ئهلكترۆنى بۆ بازرگانێن بچووك دێ هێنه دهركرن، كو بازرگان ب ڕێیا ڤان كارتان دێ شێن ههیڤانه ههتا 100 هزار دۆلاران بۆ هاوردهكرنێ ژ بانكا ناڤهندى وهربگرن، ئهڤ بریاره وهكو پێنگاڤهكێیه بۆ كێمكرنا حهزا ل سهر دۆلارێ نهختینه ژلایێ بازرگانێن راستهقینهڤه.</span></h3> <h3 style="text-align: justify;"><span style="font-size: 18pt;">بۆ وهرگرتنا ئهوى دۆلارى دڤێت بازرگان داخوازهكێ پێشكێشى بانكا ناڤهندى بكهت، داكو ڕهزامهندى ل سهر بهێتهدان و كارتهكا ئهلكترۆنى ب ناڤێ بازرگانى بۆ بهێته دروستكرن، ئهو بواره دێ هێنه دیاركرن یێن كو كارت دێ پێ هێته بكارئینان و دڤێت یی ههڤدهم بیت دگهل ڕێكارێن حهوالهیا دهرڤه كو ل سالا 2023ێ ژلایێ بانكا ناڤهندیڤه هاتبوونه دهركرن.</span></h3> <h3 style="text-align: justify;"><span style="font-size: 18pt;">ئێك ژ ڕێكارێن دى ئهوه كو ئهو پارهیێ بازرگانێن بچووك ب دینارى بۆ كرینا دۆلارى تهرخان دكهن، دڤێت ل لقێن بانكا ناڤهندى بدانن.</span></h3> <h3 style="text-align: justify;"><span style="font-size: 18pt;">بانكا ناڤهندى دۆلارى ب بهایێ فهرمى ب مهرهما هاوردهكرنێ د دهته بازرگانان، كو 1305 دینار بهرامبهر ئێك دۆلارینه.</span></h3>
