<h3 style="text-align: justify;"><span style="font-size: 18pt;">قائیممقامێ قهزا ئاكرێ ڕاگههاند، بۆ سالا 2024ێ چهندین پرۆژهیێن ستراتیجى دبوراێ وهبهرهێنانێدا ل سنوورێ قهزا ئاكرێ دێ هێنه بجهئینان، پشكهكا وان پرۆژهیان ڕهزامهندى وهرگرتییه و ل نێزیكترین دهم دێ هێنه ڕاگههاندن.</span></h3> <h3 style="text-align: justify;"><span style="font-size: 18pt;">د. دلاوەر بۆزۆ قائیممقامێ قهزا ئاكرێ دیاركر، ئهڤساله پرۆژهیهكێ مهزنێ وهبهرهێنانێ كو چاندنا دارێن زهیتوونانه و دروستكرنا كارگهههكا مهزن یا بهرههمئینان روونى ل ئاكرێ دێ هێنه بجهئینان، ههروهسا وان پرۆژهیهكێ بخودانكرنا چێلان ژى ههیه كو ل ناحییا گردهسێنا سنوورێ قهزا ئاكرێ یه، ل بجێل ژى پرۆژهیهكێ مهزنێ بخودانكرنا ماسییان ههیه.</span></h3> <h3 style="text-align: justify;"><span style="font-size: 18pt;">ئاشكرا ژى كر، ئهوان دبوراێ گهشتیاریژیدا پرۆژهیێن گرنگ ههنه، ژ وان ژى دروستكرنا باژێرێ یارییێن ئاكرێ، كو نوكه دهست بجهئینانا وێ هاتییه كرن، پرۆژهیێ تلفریكا ئاكرێ ژى پرۆژهیهكێ گرنگ و ستراتیجییه و بریاره دئهڤسالهدا بهێته بجهئینان.</span></h3> <h3 style="text-align: justify;"><span style="font-size: 18pt;">ل دۆر خرابییا ڕێیان ب تایبهتى ڕێیێن گوندان، قائیممقامێ ئاكرێ ئاماژه ب هندێ دا، دبوارێ ڕێ و پراندا پرۆژهیێن گرنگ هاتینه بجهئینان، قێركرنا ڕێیا سهرهكییا ئاكرێ و بهرفرههكرنا ڕێیا سهرێ گرێ، ههروهسا تونێلا پیرس كو سێ هزار میتره، پرۆژهیێن گرنگن و دێ هێنه بجهئینان.</span></h3> <h3 style="text-align: justify;"><span style="font-size: 18pt;">دلاوەر بۆزۆى ل دۆر پرۆژهیێ ئاڤا ئاكرێ گوت: نوكه كار دپرۆژهیدا دهێتهكرن، كو دشیاندایه ب ڕێژهیا 90%ێ ئاریشهیا كێم ئاڤییێ ل ئاكرێ چارهسهربكهت، ههروهسا ئهڤساله سێ یاریگههێن سپۆرێ ل ئاكرێ و گردهسێن و دینارته هاتینه نووژهنكرن و دقووناغێن دووماهییێدانه.</span></h3>
