ب سەرپەرشتییا محەمەد شیاع سوودانی سەرۆکوەزیر و فەرماندێ گشتییێ هێزێن چەکدارێن عێراقێ ل بەغدا، گەرا ئێكێ یا دانوستاندنێن عێراقێ و ئەمریکا بۆ دووماهی ئینان ب ئەرکێ هه‌ڤپەیمانییا نێڤدەولەتی دەستپێکر.
دەستپێکرنا دانوستاندنێن عێراقێ و ئەمریکا پشتی چڕبوونا هێرشێن گروپێن میلیشیاتێن عێراقێ دهێت بۆ سەر بنگه‌هـ و بارەگه‌هیێن هه‌ڤپەیمانییا نێڤدەولەتی ل عێراق و سوورییێ، کو ناڤه‌راستا چریا ئێكێ 2023 ێ هه‌تاكو نوكه پتر ژ 160 هێرشان کرینە سەر هێزێن هه‌ڤپه‌یمانان و داخوازا دەركه‌فتنا هێزێن ئەمریکا و وه‌لاتێن ئەندام د هه‌ڤپەیمانییا نێڤدەولەتی ل عێراق و سووریا و ڤێ ده‌ڤه‌رێ دکەن.
