ئاژانسا خانی:
رێڤەبەرا گشتییا پلاندانانێ ل وەزارەتا چاندنێ یا حكومه‌تا هه‌رێمێ گۆت: پرۆسا تۆمارکرنا ناڤێن جۆتیارێن هه‌رێمێ بۆ هندێ بێخینە دناڤا پلانا ئه‌ڤ ساله بۆ ژێ وه‌رگرتنا گەنمی ل چەند ڕۆژێن بهێن دا دێ بۆ به‌غدا هێنه ڕەوانە كرن.
د. زێدا کەریم، زێده‌تر گۆت: تۆمارکرنا ناڤێن جۆتیاران بۆ ژێ وه‌رگرتنا بەرھەمێ ئه‌ڤ ساله یێ گەنمی ب دووماهی هاتییه و بڕیارە ل چەند ڕۆژێن بهێن دا ناڤێن جۆتیاران ڕادەستی حکوومەتا عیراقێ بكه‌ین” داكو ل ده‌مێ گه‌نمێ ئه‌ڤ ساله دهێته وه‌رگرتن د مفادار بن و گه‌نمێ وان ژێ بهێته وه‌رگرتن” هه‌روه‌سا داتایێن فەرمی ژ ھەموو رێڤەبەرییێن گشتی یێن چاندنێ دهێنه كۆمكرن و پشتی پێداچوونێ ژ لایێ وەزارەتا چاندنێ و ژێده‌رێن ئاڤێ دێ هێنه ڕەوانەكرن بۆ بەغدا.
ناڤهاتییێ گۆت ژی: ئه‌ڤ ساله لدووڤ تۆمارێ ناڤێن جۆتیاران بۆ وه‌رگرتنا بەرھەمێ گەنمی ژ جۆتیاران دێ هێته وەرگرتن و ھەر جۆتیاره‌كێ ناڤێ خۆ تۆمار نەکربیت دێ بێ به‌هربیت و گه‌نمێ وی ژێ ناهێته وه‌رگرتن، چونکی پلان ب وی ره‌نگییه كو ناڤێن جۆتیاران بهێنه تۆمار كرن و پاشی بێخنه دناڤ چارچۆڤێ پلانا ژێ وەرگرتنا گەنمی.
