جڤاتا وهزیرێن هەرێما كوردستانێ دێ گۆتوبێژێن دناڤبەرا ههولێر و بهغدایێ دا ل دور مووچه و بۆدجێ و هنارتنا پەتڕۆلێ، گۆتوبێژكەت. ئەڤرۆ ڕۆژا چارشەمبی ب سهرپهرشتییا مهسرور بارزانی، سەرۆکێ حکومەتا هەرێما کوردستانێ، جڤاتا وەزیرێن هەرێما كوردستانێ دێ كۆمبیت و چەندین پرس و بابەتێن گرنگ گۆتوبێژكەت. تەوەرێن كۆمبوونا ئەڤرۆ یا جڤاتا وەزیران پێكدهێن ژ: تەوەرێ ئێكێ: پۆختەیەك ل سەر سەرەدانا شاندێ حكومەتا هەرێما كوردستانێ ب سەرۆكاتییا سەرۆكوەزیران بۆ داڤۆس و دەرئەنجامێن ئەو دیدار و گۆتوبێژێن ل داڤۆس هاتینەكرن، دێ هێتە بەحسكرن. تەوەرێ دووێ: گۆتوبێژكرنا ئەنجامێن دانوستاندنێن هەولێر و بەغدا ل دور مووچە و بۆدجە و هنارتنا پەتڕۆلا هەرێمێ ب ڕێیا بەندەرێ جەیهان یێ توركیا. د بەشەكێ دی یێ كۆمبوونێ دا دێ دەنگ ل سەر ڕەشنڤیسێ پڕۆژەیاسایا كاركرنا كرێكارێن بیانی ل هەرێما كوردستانێ هێتەدان.
