حه‌فت ئه‌ردهه‌ژ د هه‌یڤه‌كێ دا ل پارێزگه‌ها دهۆكێ هاتینه‌ تۆماركرن

حه‌فت ئه‌ردهه‌ژان د هه‌یڤا كانوینا دوێ یا بۆرى دا ل پارێزگه‌ها دهۆكێ داینه‌ و 15 ئه‌ردهه‌ژ دناڤ ئه‌ردێ ئیراقێ دا رویداینه‌ و ب شێوه‌یه‌كێ گشتى 39 ئه‌ردهه‌ژ ل ئیراقێ هاتینه‌ تۆماركرن.

پشكا پیڤانا ئه‌ردهه‌ژان د ده‌سته‌یا گشتى یا سه‌قاناسى و ئه‌ردهه‌ژان یا ئیراقێ دا راپۆرتا  خۆ دا دیاركریه‌: ل هه‌یڤا كانوینا دوێ یا بۆرى دا 39 ئه‌ردهه‌ژ ل ئیراقێ هاتینه‌ تۆماركرن و 15 ژ وان دناڤ ئه‌ردێ ئیراقێ دا رویداینه‌، ل ده‌مه‌كێ 22 دناڤ ئه‌ردێ توركیا دا رویدابوون، ئه‌ردهه‌ژه‌ك دناڤ ئه‌ردێ ئیرانێ و ئه‌ردهه‌ژه‌كا دى دناڤ ئه‌ردێ سووریا دا رویدابوون.