سه‌رۆكێ ده‌سته‌یا ده‌ستپاكییا هه‌رێما كوردستانێ ڕاگه‌هاند، وان هه‌تا نوكه چار ڕاپۆرت ڕه‌وانه‌ى په‌رله‌مانى كرینه، ل دووڤ داتایان، كارێ باش ل سه‌ر چاكسازییێ هاتییه كرن.
د. ئه‌حمه‌د ئه‌نوه‌ر سه‌رۆكێ ده‌سته‌یا ده‌ستپاكییا هه‌رێما كوردستانێ د داخویانییێن ڕۆژنامه‌ڤانیدا ڕاگه‌هاند، پشكه‌ك ژ وان داتایێن گرێداى قانوونا چاكسازییێ ل مووچه، ده‌رماله و خانه‌نشینییێ هاتینه به‌حسكرن، شه‌ش پشكان بخۆڤه‌دگریت، هه‌تا نوكه وان چار ڕاپۆرت ڕه‌وانه په‌رله‌مانى كرینه و ل دووڤ داتایێن وان، كارێ باش د چاكسازییێدا هاتییه كرن، ڕاسته هنده‌ك كار مایه، لێ ژبه‌ركو هه‌رێما كوردستانێ نێزیكى هه‌لبژارتنایه و دڤێت هه‌لبژارتن بهێنه كرن، كارێ وان دێ چیته خۆلا بهێت یا په‌رله‌مانى، لێ هه‌تا نوكه به‌رده‌وام كار ل سه‌ر قانوونا چاكسازییێ دهێته‌كرن.
ئاماژه ب هندێ ژى دا، ل چه‌ند ڕۆژێن بهێن دێ ڕاپۆرتا سالا 2023ێ ڕاگه‌هینن، نوكه زێده‌تر ژ 800 كه‌یسان ل هه‌رسێ پارێزگه‌هێن هه‌ولێر، دهۆك و سلێمانییێ ل ژێر لێكۆلینێنه.
