ئاژانسا خانی:
جێگرێ پێشتر یێ سەرۆکێ پەرلەمانێ عێراقێ دیار كر: پشكدارییا سەرۆکێ حکومەتێ د گۆپیتكا جیهانییا حکومەتان دا ل ئیماراتێ ژ لایێ سیاسی و ئابووریڤه یا گرنگە و دێ بیتە پشته‌ڤانییه‌كا ھەرێمی و جیھانی بۆ هندێ فشار ل سه‌ر عێراقێ بهێنه كرن پابەندی مافێن دارایی و دەستوری یێن ھەرێما کوردستانێ بیت.
د. بەشیر حەداد، زێده‌تر گۆت: پشكدارییا سەرۆکێ حکومەتێ د گۆپیتكا جیھانییا حکومەتان دا ل ئیماراتێ کاره‌كێ گرنگە بۆ هه‌رێمێ، چونكی د نوكه دا ھەرێما کوردستانێ پێدڤی ب هندێ ھەیە پێگەهێ خۆ بھێزتر لێ بكه‌ت ل عێراقێ و ڤی ده‌ڤه‌رێ، پێدڤی ب هندێ ھەیە پشت به‌ستنێ ل سه‌ر وه‌لاتێن ھەرێمی و نێڤدەولەتی بكه‌ت بۆ هندێ فشاران بێخنه سەر عێراقێ هه‌تا پابەندی مافێن دەستوری یێن ھەرێما کوردستانێ ببیت.
ناڤهاتی گۆت ژی: چاوا مە پێدڤی ب پشته‌ڤانییا ژ دەرڤه ھەیە” وه‌سا مه پێدڤی ب پشته‌ڤانییا ناڤخۆیی ژی ھەیە” دڤێت لایەنێن سیاسی ب گشتی ره‌وشا نوكه یا ھەرێمێ لبەر چاڤ بگرن و ببنە ھۆکار كو پێگەهێ ھەرێمێ و حکومەتێ بھێزتر بیت ل عێراقێ و ڤی ده‌ڤه‌رێ، هه‌روه‌سا ملبملێ پشته‌ڤانییا نێڤدەولەتی د وێ گۆپیتكێ دا یا پێدڤییه و د ناڤخۆیا هه‌رێمێ دا ئه‌م پشته‌ڤانییێ ل حکومەتا ھەرێما کوردستانێ بکەین و ئێکرێزییێ دروست بكه‌ین و ھەرێما کوردستانێ ب ھێزتر مامەلێ بکه‌ت.
