جڤاتا نوونه‌رێن عیراقێ دێ خواندنا ئێكێ بۆ هه‌لوه‌شاندنا دوو بریارێن جڤاتا بلندا ڕژێما به‌عس كه‌ت، كو ئه‌و بریاره تایبه‌تن ب وان زه‌ڤیان یێن ل سنوورێ كه‌ركووكێ و چه‌ند ده‌ڤه‌رێن دییێن عیراقێ ژلایێ عه‌ره‌بێن هاورده‌ڤه هاتینه داگیركرن.
په‌رله‌مانێ عیراقێ دێ ئه‌ڤرۆ ل ده‌مژمێر 11ى سپێدێ كۆمبیت، ئێك ژ وان ته‌وه‌رێن هاتینه دیاركرن، خواندنا ئێكێیه بۆ هه‌لوه‌شاندنا بریارێن ( 1018 ) یا سالا 1982ێ و ( 554 ) یا سالا 1983ێ سێیێ یێن سه‌رده‌مێ به‌عس، كو ب ڕێیا وان بریاران زه‌ڤییێن كوردان هاتبوونه داگیركرن.
ئه‌گه‌ر ئه‌و بریاره هاتنه هه‌لوه‌شاندن، دێ نێزیكى 300 هزار دونه‌مێن زه‌ڤییان ل سنوورێ پارێزگه‌ها كه‌ركووكێ و چه‌ند ده‌ڤه‌رێن دى بۆ وه‌لاتییێن كورد و توركمان هێنه ڤه‌گه‌راندن.
