خالد عەباس، ڕێڤەبەرێ ئۆفیسا دهۆك یا هەلبژارتنێن عیراقێ بۆ ئاژانسا خانی ڕاگەهاند، نویكرنا تۆمارا بایۆمەتری ل پارێزگەهێن هەرێما كوردستانێ و عیراقێ ل 1ـێ شواتێ دەستپێكریە و هەتا 20-02-2024ـێ دێ یا بەردەوام بیت.
خالد عەباس دیاركر، ڕێژەیا بایۆمەتری ل پارێزگەها دهۆكێ ژ 82% دەربازبوویە و ئەڤە بلندترین ڕێژەیە ل سەر ئاستێ هەمی عیراقێ، دهێتە پێشبینیكرن هەتا 20ـێ شواتێ زێدەتر ژ 83% ڕێژەیا بایۆمەتری ل دهۆكێ بهێتە ئەنجامدان، ژبەركو ڕۆژانە هەتا هزار و 300 دەنگدەران ل دهۆكێ دهێنە تۆماركرن.
ڕێڤەبەرێ ئۆفیسا دهۆك یا هەلبژارتنێن عیراقێ گۆت ژی: ڕۆژێن ئەینی وشەمبییا دەوام ل بنگەهێن مە یا هەیە، هەروەسا ئەڤ ڕێژەیا بلند یا تۆماركرنا بایۆمەتری و سەركەفتنا پلانا پرۆسا دهۆكێ ڤەدگەڕیت بۆ بەربەلاڤبوونا تیمان ل هەمی ئامادەیی و زانكۆیان.
