نێچيرڤان بارزانى و سه‌رۆكوه‌زيرێن ئه‌رمه‌نستانێ كۆمبوون

ئه‌ڤرۆ شه‌مبییێ‌ 2024/2/17 نێچيرڤان بارزانى، سه‌رۆكێ هه‌رێما كوردستانێ، ل گه‌ل نيكۆل پاشينيان، سه‌رۆكوه‌زيرێن ئه‌رمه‌نستانێ كۆمبوو.

د وێ كۆمبوونێ دا ده‌لیڤه‌ و چاوانییا پێشخستنا په‌يوه‌ندييێن عێراقێ و هه‌رێما كوردستانێ ل ‌گه‌ل ئه‌رمه‌نستانێ ب ‌تايبه‌تى د بیاڤێن ئابوورى و بازرگانيدا، ره‌وشا عێراقێ و هه‌رێما كوردستانێ، كاريگه‌رى و لێكه‌فتێن ڕه‌وشا ئالۆزا ڕۆژهه‌لاتا ناڤێن و شه‌رێ‌ ئۆكرايينا هاتنه‌ به‌حس كرن.

هه‌ردو ئالییان ئاماده‌يى و خواستا خۆ بۆ به‌ره‌ف پێشڤه‌برنا زێده‌تر یا په‌يوه‌ندييان د‌ هه‌موو واراندا ده‌ربڕى و به‌حسێ به‌رنامێ سه‌ره‌دانا چاڤه‌رێكری یا سه‌رۆكێ هه‌رێما كوردستانێ بۆ ئه‌رمه‌نستانێ هاته‌ كرن.

هه‌روه‌سا ره‌وشا ده‌ڤه‌رێ ب ‌گشتى و گرنگيیا پاراستنا سه‌قامگيرییێ به‌حس كر و ته‌كه‌زی لسه‌ر‌ چاره‌سه‌ركرنا ئاشتييانه‌ ىا كێشه‌ و ناكۆكييا كر.