بێهنا نەخۆش یا دەڤی ژبەر چەندین ئەگەرێن جوداجودا ل دەڤ مرۆڤی دروست دبیت كو هندەك ژوان پەیوەندی ب ساخلەمییا لەشی و هندەكێن دی پەیوەندی ب پاقژییا دەڤ و ددانان ڤە هەیە، ئەگەرێن سەرەكی یێن دروستبوونا بێهنا نەخۆش یا دەڤی ئهڤهنه:
1- پاقژنەكرنا دەڤ و ددانان: ئەگەرێ سهرهكیه یێ بێهنا نەخۆش یا دەڤی پاقژ نەكرنا دەڤ و ددانایە، ژبەركو ئەو بەكتریایێن د ناڤ دەڤی پاشمایێن خۆراكی دشكێنن، بێهنا نەخۆش دروستدكەن و ئەگەر بەردەوام دەڤ و ددان و ئەزمان نەهێنە پاقژكرن و لادان، ئەو بەكتریایە بێهنا دەڤی نەخۆش دكەن.
2- خوارن و ڤەخوارن: هندەك خوارن و ڤەخوارن هەنە دبنە ئەگەرێ نەخۆشكرنا بێهنا دەڤی. وەكو چا، قەهوە، ماسییێن قودیكان، شەكر، سیر، پیڤاز، فێقی و زەرزەواتێن ترش و ڤەخوارنێن كحولی.
3- بكارئینانا تویتنێ: جگارەكێشان دبیتە ئەگەرێ بێهنا نەخۆش یا دەڤی و نە ساخلەمكرنا پدیان
4- هشكبوونا دەڤی: ( تفێ ) ڕۆلەكێ گرنگ هەیە د شویشتنا پاشمایێن هویر یێن خۆراكی و بەكتریایێن ناڤ دەڤیدا، هشكبوونا دەڤی و نەمانا تفا پێدڤی دناڤ دەڤی دا دبیتە ئەگەرێ دروستكرنا بێهنا نەخۆش.
5- نەخۆشییێن پدیان: نەخۆشییێن پدیان كو ب ئەگەرێ هەوكرنا بەكتریا و هەوكرنا پدیان و شانەیێن دەوروبەرێ وان دروست دبیت و دبیتە ئەگەرێ دروستبوون و بەردەوامبوونا بێهنا نەخۆش.
6- هندەك نەخۆشی: هندەك حالەتێن نەخۆشییان هەنە كو بێهنا دەڤە نەخۆش دكەن، ژوان هەوكرنا كۆئەندامێ هەناسەدانێ و دفنێ، نەخۆشیییا شەكرێ و نەخۆشییێن مێلاك و گولچیسكان و هندەك جورێن پەنجەشێرێ.
7- كێشەیێن ددانان: هەوكرنا دەڤ و ددانان و خراببوون و كلۆربوونا ددانان بێهنا نەخۆش دروست دكەن.
8- فشارێن دەروونی: سترێس و دوودلی دبنە ئەگەرێ هشكبوونا دەڤی و گوڕانكارییان د بەرهەمئینانا تفێ دا، كو دبیت ببنە ئەگەرێ بێهنا نەخۆش یا دەڤی.
ئەرێ تۆ دزانی چا و قەهوە بێهنا دەڤی نەخۆش دكەن
