بهایێ زێرى بلندترین ئاست د دیرۆكێدا تۆماركر

بهایێ زێرى ئه‌ڤرۆ دڕێژى ب بلندبوونێدا و ئاسته‌كێ پیڤانه‌یى تۆماركر، بۆ جارا ئێكێیه‌ د دیرۆكێدا دگه‌هیته‌ ڤى ئاستى.

ئازاد كوچه‌ر كو ئێك ژ بازرگانێن زێرییه‌ ل بازارێ دهۆكێ‌ بۆ ئاژانسا خانى دیاركر، دنوكه‌دا بهایێ ئێك غراما زێرى 92 هزار دینارن و بۆ جارا ئێكێیه‌ د دیرۆكێدا بهایێ زێرى دگه‌هیته‌ ڤى ئاستى، بها یێ جهگیر نینه‌ به‌رده‌وام د بلندبوون و نزمبوونێدایه‌.

سه‌باره‌ت بلندبوونا بهایێ زێرى ئاشكراكر، ئه‌و گوهۆرینێن د سیاسه‌تا نه‌ختینه‌یا بانكا ناڤه‌ندییا ئه‌مریكا و مفایێ بانكیدا دهێنه‌كرن، ئه‌گه‌رێن سه‌ره‌كییێن بلندبوونا بهایێ زێرینه‌، كو مفایێ بانكى ل ئه‌مریكا نوكه‌ 5.5%ێ كێمبوویه‌ و ئه‌و ڕێژه‌یه‌ دبیته‌ ئه‌گه‌ر خواست ل سه‌ر زێرى زێده‌ببیت.