کۆمیسیۆنا عێراقێ: لژنه‌‌كا بلندا ئێمناهییێ بۆ هه‌لبژارتنێن په‌رله‌مانێ هه‌رێما كوردستانێ هاته‌ پێكئینان

په‌یڤدارا کۆمیسیۆنا بلندا سەربەخۆیا هەلبژارتنێن عێراقێ گۆت: لژنەكا بلندا ئەمنی بۆ هەلبژارتنێن پەرلەمانێ کوردستانێ هاتییه‌ پێکئینان و ئەوان ژی نوونەرێ خۆ د وێ لژنێ دا هەیە.

جومانه‌ غه‌لای گۆت ژی: ب بڕیارا وه‌زاره‌تا ناڤخۆیا هه‌رێما كوردستانێ لژنه‌كا بلند بۆ هه‌لبژارتنێن هه‌رێما كوردستانێ هاتییه‌ پكئینان و كارێ وێ لژنێ دێ پاراستنا ئێمناهى و سه‌قامگیرییا پرۆسا هه‌لبژارتنان و ئه‌نجامدانا هه‌لبژارتنان بێ كێشه‌ و ب ره‌نگه‌كێ ب سانا‌هى بیت.

دیار كر ژى، ئه‌و لژنه‌ دێ رابیت ب پاراستنا ئاسایش و سەربەخۆیا پڕۆسا هەلبژارتنێن پەرلەمانێ کوردستانێ” پاراستنا نڤێسینگه‌هێن هه‌لبژارتنان و ناڤه‌ندێن تۆماركرنێ، كۆگه‌هێن كومسیۆنێ، بنگه‌هێن ده‌نگدانێ و پرۆسه‌یا ده‌نگدانێ” هه‌روه‌سا ئه‌و  لژنه‌ دێ ئێمناهییا ڤه‌گوهاستنا كه‌لوپه‌لێن كومسیۆنێ و ده‌نگدانێ  ب ستۆیێ خۆڤه‌ گریت ل رۆژا ده‌نگدانێ.