رێڤەبەرێ گشتی ل وەزارەتا بازرگانییا حکومەتا ھەرێما کوردستانێ گوت: بریارا پێدانا دۆلاری ب بهایهكێ ئهرزان و ب بهایێ بانکا ناڤەندی کەفتە بیاڤێ بجهئینانێ بۆ ئینانا كهلوپهلان.
نەوزاد شێخ کامل، زێدهتر بۆ ئاژانسا خانی دیار كر: بریار هاتییهدان دۆلار ب بهایهكێ ئەرزان و ب بهایێ بانکا ناڤەندی بهێتهدان بۆ کۆمپانییان و پێدڤییە کۆمپانی د بەرنامێ سیوفت دا خۆ تۆمار بکەن” ل وی دهمی دێ شێن کهلوپهلان ئینن و دڤێت جۆرێ وی ژی دیار بیت و ب چ بهایهكێ ھاورده بکەن و لدووڤ ئەوی پارهیی دێ دۆلاری دهنێ، بەلێ ب وی مەرجی ئهو کۆمپانییه د تۆمارکری بن.
ناڤهاتی گۆت ژی: ئەڤ بڕیارە نوكه د بجهئینانێ دایه و ھێشتا ههموو کۆمپانییان خۆ تۆمار نەکرییە، ھەر دهمێ ھەموویان خۆ تۆمار کر” ل وی دهمی کاریگەرییێن ئەرێنی دێ دیار بن، چونکی گهلهك کۆمپانی ھەنە کو نێزیکی ٣٠ ھزار کۆمپانی ل ھەرێما کوردستانێ هاتینه تۆمار کرن، كو د بیاڤێن جۆدا دانه” ههروهسا ل ڤان سێ ههیڤێن بوری گهلهك مامەلهیێن بازرگانی ل ھەرێما کوردستانێ هاتینه تۆمار کرن.
