دڤێ جیهانا ئەم نوكە تێدا دژین هەر وەلاتەكی د هەیڤا ڕەمەزانێدا دابونەریتێن خۆ یێن تایبەت و جودا هەنە ، هندەك ژوان دابونەریتان د نورمالن و هندەك ژی د سەیرن ، بەلێ پا ژ ئەگەرێ سەیراتیا وان دابونەریتا مرۆڤ نەشێت باوەر بكەت كو ئەو دابونەریتە یێ د جیهانا نوكهدا هەین.
ل وەلاتێ ئوگندا كو 12% ژ ئاكنجیێن وان موسلمانن و دكەڤیتە ڕۆژهەلاتێ ئەفریكا د هەیڤا ڕەمەزانێدا بەری فتارێ زەلامێن ڤی وەلاتی هەڤژینێن خۆ د قوتن!
و ل دەمێ قوتانێ دربان بەس ل سەرێ هەڤژینێن خۆ دەن، و پشتی وێ قوتانێ ئهو ژن رادبن ب رازیكرنا هەڤژینێن خۆ ئەوژی خوارنا(ماتوكی) بۆ فتارێ دروست دكەن. كو ژ موزێ دهێتە چێكرن.
ئەگەرێ ڤێ قوتانێ ژی ئەوە كو زەلام هشیاریەكێ دەتە هەڤژینا خۆ دەمێ چێكرنا خوارنا فتارێ یێ هاتی ، لێ یا سەیر ل ڤێرێ ئەوە ئەگەر ڕۆژەكێ ژنك نە هێتە قوتان وێ ڕۆژێ فتارێ چێناكەت.
چێدبیت گەلەك ژ مە هزر كەن ئەڤ دابونەریتە نەیێ گونجایە بۆ هەیڤا ڕەمەزانێ لێ هەتا نوكە وەلاتیێن ڤی وەلاتی و تایبەت زەلامێن بنەمالا (لانگو) پاراستن لسەر ڤی دابونەریتێ خۆ یێ سەیر كریە.
