سه‌رۆكێ هه‌رێما كوردستانێ دپه‌یامه‌كێدا ب هه‌لكه‌ڤتا 54 سالییا رێككه‌ڤتننامه‌یا 11ى ئادارا 1970ێ ڕاگه‌هاند، دڤێ هه‌لكه‌ڤتێدا مێژوویا پرى نه‌هامه‌تییا ده‌وله‌تا عیراقێ ل بیرا هه‌موویان دئینن، داخواز ژى كر، بلا هه‌لكه‌ڤتا 11ى ئادارێ ل هه‌رێما كوردستانێ بكه‌ینه ده‌رفه‌تا لێكتێگه‌هشتنا هه‌ڤپشك بۆ ده‌ربازكرنا ئاریشه‌یان.
نێچیرڤان بارزانى سه‌رۆكێ هه‌رێما كوردستانێ دپشكه‌كا دییا په‌یاما خوه‌دا دیاركر، دڤێ هه‌لكه‌ڤتێدا مێژوویا پرى نه‌هامه‌تییا ده‌وله‌تا عیراقێ ل بیرا هه‌موویان دئینن، كو لۆژیكا هێز و بیر و سیاسه‌تا بنپێكرنا مافێن گه‌لێ كوردستانێ و پێكهاته‌یێن عیراقێ ب گشتی، چ زیان گه‌هاندییه وه‌لاتى؟
ئاماژه ب هندێ ژى كر، لێڤه‌نه‌بوونا ده‌ستهه‌لاتا وى ده‌مییا عیراقێ ژ ڕێككه‌ڤتنێ، شه‌ر، مالوێرانى، كاره‌سات و نه‌سه‌قامگێرییا به‌رده‌وام بۆ عیراقێ و گه‌لێن وێ ل دووڤ خوه هێلان و پاشمایێن وێ هه‌تا ئه‌ڤرۆژى د به‌رده‌وامن.
