ده‌مێن گونجایی بۆ ئەنجامدانا وەرزشێ ل هه‌یڤا ره‌مه‌زانێ

ئاژانسا خانی:

د. هه‌ڤین که‌مال” بسپۆر د‌ زانستێ ئێش و به‌نجێ دا و شاره‌زا د چاره‌سه‌رییا بربرا پشتێ و گه‌هان دا” ده‌رباره‌یی چ ده‌م یێ گونجایه‌‌ بۆ ئەنجامدانا وەرزشێ ل هه‌یڤا ره‌مه‌زانا پیرۆز بۆ ئاژانسا خانی دیار كر:

. چوونا ب پێیان” ل سپێده‌هییان زوو بۆ ده‌مێ ( 35-45 خۆلەکان)، ده‌مه‌كێ باشە بۆ ئەوێن دڤێن پارێزگارییێ ل کێشا خۆ بکەن و پارێزگارییێ ل گه‌هـ و ماسولکان بكه‌ن ژ ئێشانێ.

. ئەنجامدانا وەرزشێ ( ده‌مژمێره‌كێ به‌ری فتارێ )، شه‌نسه‌كێ باشە بۆ ئەوێن دڤێن کێشا خۆ بیننه‌ خوار، چونکی ڤه‌كۆلینه‌ك ھەیە دبێژیت” ئەنجامدانا وەرزشێ پشتی ھەشت ده‌مژمێرێن ب رۆژیبوونێ پتر دوهنی د حه‌لینیت.

. ئەنجامدانا وەرزشێ پشتی ( فتارێ ب سێ ده‌مژمێران)، بۆ ئەوێن دڤێن  ماسولکان دروستبکەن و دشێن ب حه‌زا خۆ بۆ چەند ده‌مژمێران ئەنجام بدەن، ل گەل هندێ دڤێت خوارنا گونجایی ژی بخون.

بنەمایێن سەرەکی یێن ئەنجامدانا وەرزشێ ل هه‌یڤا رەمەزانێ:

. خۆ دووربكه‌ ژ تیشکێن رۆژێ یێن ڕاستەوخۆ بۆ ده‌مه‌كێ زۆر.

. نابیت پتر ژ ( 60 خۆلەکان ) وەرزشێ بكه‌یی ل ده‌مێ گرتنا رۆژییێ.

. ل ده‌مێ فتارێ خوارنێن رۆن بخۆ.

. پشتی فتارێ ئێكسه‌ر وەرزشێ نه‌كه‌، تو‌ دشێیی پشتی (سێ ده‌مژمێران) دەستپێ بکەیی.

. دانه‌كێ پر ژ ( كه‌سكاتی و فێقی ) بخۆ ل گەل کێمکرنا ( دوهنی).

. ئاڤ ب تنێ بەس نینە بۆ قەرەبووکرنا خوارنێن رۆن، دڤێت شەربەتا فێقی ل گەل ڤه‌خویی.

نابیت ئێکسەر رێژەكا زۆر یا خوارنێن رۆن بخویی.