<h3 style="text-align: justify;"><span style="font-size: 18pt;">به‌رپرسێ پشكا هه‌لبژارتنان ل مه‌كته‌با ڕێكخستنا پارێزگه‌ها دهۆكێ یا پارتى ڕاگه‌هاند، كۆمبوونێن وان ل دۆر ده‌ستنیشانكرنا به‌ربژارێن پارتى ل ده‌ڤه‌را به‌هدینان بۆ هه‌لبژارتنێن خۆلا شه‌شێ یا په‌رله‌مانێ كوردستانێ دبه‌رده‌وامن و دێ هه‌تا 22ى ڤێ هه‌یڤێ به‌ربژارێن خوه ئێكلاكه‌ن.</span></h3> <h3 style="text-align: justify;"><span style="font-size: 18pt;">خالد ئه‌حمه‌د به‌رپرسێ پشكا هه‌لبژارتنان ل مه‌كته‌با ڕێكخستنا پارێزگه‌ها دهۆكێ یا پارتى بۆ ئاژانسا خانى ئاشكراكر، كۆمبوونێن مه‌كته‌با ڕێكخستنێ بۆ ده‌ستنیشانكرنا به‌ربژاران د به‌رده‌وامن، ژماره‌كا مه‌زن یا خه‌لكى ب ڕێیا لقێن پارتى سیڤییێن خوه بۆ خوه به‌ربژاركرنێ پێشكێشكرینه، پارتى بۆ هه‌لبژارتنێن بهێن دێ 50 به‌ربژار ل ده‌ڤه‌را به‌هدینان هه‌بن، كو ل قه‌زا دهۆكێ دێ 16 به‌ربژاربن، زاخۆ 10، ئاكرێ حه‌فت، ئامێدى و سێمێل هه‌ر ئێك ژ وان پێنج، شێخان سێ و به‌رده‌ره‌ش چار.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، ل دووڤ قانوونا هه‌لبژارتنان دڤێت ڕێژه‌یا 30%ێ یا به‌ربژاران ژن بن، پارتى بۆ هه‌لبژارتنێن بهێن دێ 15 به‌ربژارێن ژن ل ده‌ڤه‌را به‌هدینان هه‌بن.</span></h3>
