نێچیرڤان بارزانی، سەرۆکێ هەرێما کوردستانێ ئەڤرۆ ب هەلكەفتا نەورۆز و سەرێ سالا كوردی پەیامەكا یپیرۆزباهییێ بەلاڤكر.
نهورۆز، جهژنا نهتهوهيى و سهرێ سالا نوی یا كوردى، ب گهرمى ل خێزان و كهسوكارێن سەربلندێن شههيدان، ل ههر كوردەك و هەمی پێكهاتەیێن گەلێ كوردستانێ هەر ل كیڤەبن پیرۆزدكەم، هیڤیا سالەكا نوی ب خۆشی و ب ساخلەمییەكا باش، ئارامی و سەركەفتنێ بۆ هەمییان دخوازم.
ئەڤرۆ ئەم د ڕەوشەكا هەستیاردا دەربازدبین، داخواز ژ لایەنێن سیاسی یێن كوردستانێ دكەم ب گیانێ بەرپرسایەتییا نیشتیمانی و لێكگەهشتن، ئاریشەیان چارەسەربكەن هەتا بشێن پێكڤە بەرهەنگاری هێرش و ئالنگارییان ببین، قەوارەیێ سیاسی و ماف و دەستكەفتێن دەستووری بپارێزن و ئەگەر ئێكڕێز باین ڕەوشا وەك ئەڤرۆ نەدبوو.
گەلێ كوردستانێ هەردەم دەست ژ ئازادی و مافێن خۆ نەبەردایە، د دیرۆكێدا هاتیە سەلماندن كو هندی مافێن خەلكێ كوردستانێ بهێنە پێشیلكرن، عیراق خۆشی و سەقامگێریی نابینیت، بلا ئەم هەمی ژ خەلەتییێن عیراقێ فێربین كو بجهنەئینانا دەستوور و ڕێككەفتنێن سیاسی، نەهاتنا شایستەیان و بزاڤێن بچووككرنا هەرێما كوردستانێ و پێشیلكرنا مافێن دەستووری ژ بلی زیانان عیراقێ چ مفا ناگەهینیت.
د ئەڤێ جەژنێدا، دووپات ل باوەری و سیاسەتا نەگۆر دكەین كو هەرێما كوردستانێ وەك هەردەم ل دەڤەرێ د فاكتەرێ ئارامی و سەقامگێرییێ دابیت، هەر د ئەڤێ ڕۆژێدا پیرۆزباهییێ ل ئەوان گەلان دكەین یێن ئاهەنگا نەورۆزێ دگێڕن .
سوپاسییا تێگههشتن و گيانێ بهرپرسياريهتى و خۆڕاگريیا فهرمانبهران و خەلكێ كوردستانێ دكهم. ژ نێزیك ئاگەهدارى ڕەوش و ژیانا وانین. د پشتڕاستین كو ئەڤ ڕەوشا دژوار دێ دەربازبیت و دێ بیتە ڕابردوو و ب ئومێد بەرەڤ ژیان و داهاتییەكا باش دێ چین و كوردستان بۆ هەردەم وەلاتێ پێكڤهژيان و لێبوورینێ دێ مینیت.
نەورۆزا هەوە پرۆزبیت
هەمی سال ب خۆشی بن
نێچيرڤان بارزانى
سهرۆكێ ههرێما كوردستانێ
20-03-2024
