ئەڤرۆ ل سەلاحەددین سەرۆك مەسعود بارزانی پێشوازی ل ئەلینا ڕومەنسکی، بالیۆزا ئەمریكا ل عیراقێ كر.
د دیدارێدا بالیۆزا ئەمریكا پیرۆزباهییا نەورۆزێ ل سەرۆك بارزانی و گەلێ كوردستانێ كر. هەروەسا ئاماژە ب ڕەوشا سیاسییا عیراق و هەرێما كوردستانێ و دووماهی پێشهاتاندا و دلگرانییا خۆ بۆ دووماهی پێشهاتێن سیاسی دیاركر و داخوازكر كو پارتی دیموكراتی كوردستان ڕۆلێ خۆ بینیت و ل گەل لایەنێن دی پێكڤە ئاریشەیێن بەردەم هەلبژارتنان چارەسەربكەن.
سەرۆك بارزانی دیاركر، هەر ل دەستپێكێ پارتی دەستپێشخەڕا ئەنجامدانا هەلبژارتنا بوویە و هەردەم ل گەل ئەنجامدانێ یە و ترسی د هەلبژارتناندا نینە، بەلكو تێبینی ل سەر شێوازێ هەلبژارتن و مەترسی تێكدانا بنەمایێن پێكڤەژیان و نەهێلانا پشكداریا پێكهاتەیان د ژیانا سیاسیدا هەیە.
سەرۆك بارزانی ئەو چەندە ژی دیاركر، ب هێجەتێن جودا دوو سالە هەلبژارتن دهێنە پاشئێخستن، دەستەكێ دەرەكی دناڤ بابەتیدا هەیە و هەروەسا پارتی بایكۆتا هەلبژارتنان نەكریە بەلكی ل گەل هەلبژارتنێن پاك و شەفافە و هەلبژارتنێن دویر بن ژ دەستێوەردانێن دەرەكی.
