فەرماندە مەنسور بارزانی، د کۆنگرەکێ ڕۆژنامەڤانیدا راگەهاند، د نوکە دا تهخمینا زیانڤێکەڤتییان دهێتە کرن و پشتی 48 دەمژمێرێن دی دێ هەمی ئەو خەلکێ زیان گههشتییێ یێ پارێزگەها دهۆکێ و ئیدارا سەربەخۆ یا زاخۆ دێ هێنە قەرەبووکرن.
هەر دوهی و ل گەل رابوونا لەهییان ل سەر راسپاردا سەرۆک مەسعود بارزانی و مەسرور بارزانی، سەرۆکێ حکومەتا هەرێما کوردستانێ، فەرماندە مەنسور بارزانی ل گەل هێزەکا زۆرا پێشمەرگەیی و 50 ئالیاتان ل دەڤەرێن لەهی لێ دروستبووین ئامادەبوون ژ بۆ هاریکاریکرن و د هەوارچوونا خەلکێ زیانڤێكهفتی، ئەڤرۆ ژی فەرماندە مەنسور بارزانی ل گهل گوهدار شێخۆیی، سەرپەرشتێ ئیدارا سەربەخۆ، سەرەدانا خەلکێ زیانڤێكهفتی و دەڤەرێن لەهی لێ رابوویی کرن.
