شانده‌كێ په‌رله‌مانێ عیراقێ دێ سه‌ره‌دانا جهێن له‌هییێن دهۆكێ كه‌ت

ئه‌ندامه‌كێ جڤاتا نونه‌رێن عیراقێ ڕاگه‌هاند، شانده‌كێ جڤاتا نوونه‌ران دێ سه‌ره‌دانا وان ده‌ڤه‌رێن دهۆكێ كه‌ت یێن ژ ئه‌گه‌رێ بارانبارین و له‌هییان زیان ڤێكه‌ڤتین.
د. خالد ڕێكانى ئه‌ندامێ جڤاتا نوونه‌رێن عیراقێ ل سه‌ر فراكسیۆنا پارتى بۆ ئاژانسا خانى ئاشكراكر، سه‌رۆكوه‌زیرێن عیراقێ ڕازیبوویه‌ قۆربانییێن له‌هییێن دهۆكێ قه‌ره‌بوو بكه‌ت، ئه‌و ب هه‌ڤالییا د. خه‌لیل غازى دوسكى ژ فراكسیۆنا پارتى دێ سه‌ره‌دانا جهێن زیان ڤێكه‌ڤتى كه‌ن.
گوت ژى: ئه‌و دێ دڤێ سه‌ره‌دانێدا ڕاپۆرته‌كێ ل دۆر ئاستێ زیانان به‌رهه‌ڤكه‌ن و ئاراسته‌ى جڤاتا نوونه‌ران و سه‌رۆكوه‌زیران كه‌ن، داكو ژ بودجه‌یا ته‌نگاڤییان قه‌ره‌بوویا وان كه‌سێن زیان ڤێ كه‌ڤتى بهێته‌كرن.