بسپۆره‌كا وزێ: هەرێما کوردستانێ کلیلا ئاسایشا وزێیه‌ ل رۆژهەلاتا ناڤین

پسپۆڕه‌كا جیۆسیاسی و وزێ ڕاگەهاند، ڕاگرتنا هنارتنا نەفتا هەرێما کوردستانێ دێ کاریگەرییێ كه‌تە سەر بهایێ وزێ و پێگەهێ ئاسایشا وزەیا جیهانێ.

رۆناک فارس، دبێژیت، ڕاگرتنا هنارتنا نەفتا هەرێما کوردستانێ دێ کاریگەرییێ که‌تە سەر بهایێ وزێ ل جیهانێ، هەروەسا کاریگەری ل سەر پێگەهێ ئاسایشا وزەیا جیهانی ژی هەیە.

گۆت ژی: هەرێما کوردستانێ کلیلا هنارتنا نەفتێیە ل ڕۆژهەڵاتا ناڤین، چونکی ده‌ڤه‌ره‌كه‌ بۆ پێكڤه‌ گرێدانا دەریا سوور و دەریا سپی و کەنداڤێ فارسی بێگومان گرنگییا خۆ هەیە، گۆت ژی: ئەوێ ڕاگرتنێ ب تنێ کاریگەری ل سەر هەرێما کوردستانێ نینە، بەلکو کاریگەری ل سەر ڕۆژهەلاتا ناڤین و وزەیا جیهانی ژی هەیە.

رۆناکێ ئه‌و ژی دیار كر، بۆ تێگەهشتن ل داهاتییێ بڕیارا هنارتنا نەفتا هەرێما کوردستانێ، دڤێت ته‌ماشه‌یی چەند کارەکتەرێن نێڤدەولەتی و هەرێمی بکەین ژ وان ژی، ئیران و تورکیا و وه‌لاتێن کەنداڤی، ژ لایه‌كێ دیترڤه‌ ئەمریکا و چین و رووسیا، له‌وما ئەو ململانا ئابووری و بەرژەوەندییێن ئابووری یێن ل سەر ئاسایشا وزێ هەین، دناڤبه‌را سێ وه‌لاتێن سەرەکی دانه‌ بۆ نموونە، ئەمریکا بزاڤان دكه‌ت کوردستان ب ڕێیا تورکیا نەفتا خۆ بهنێریت.