ل به‌لجیكا ژماره‌كا كه‌سێن تورك هێرشكره‌ سه‌ر چه‌ند خێزانێن كورد

گرۆپه‌كێ ڕه‌گه‌زپه‌رستێن تورك ل به‌لجیكا ژ ئه‌گه‌رێ گێرانا ئاهه‌نگێن نه‌ورۆزێ ڕێ ل خێزانه‌كا كورد دگرن و هێرشى وان دكه‌ن، ل دووڤ ئاخڤتێن پۆلیسان شه‌ش كه‌س دوێ ڕوودانێدا برینداربوون.
ڕوودان ل باژێرێ لیمبۆگ یێ باكوورێ ڕۆژهه‌لاتێ به‌لجیكا بوو، گرۆپه‌كێ ڕه‌گه‌زپه‌رستێن تورك ل سه‌ر جادده‌یه‌كا باژێرى ڕێ ل چه‌ند خێزانێن كورد گرتن، ب دڕوشمێ ( ئه‌لاهوئه‌كبه‌ر ) هێرشى وان كر و ئالایێ كوردستانێ سووت.
میدیایا به‌لجیكا ل سه‌ر زارێ پۆلیسێن وێ ده‌ڤه‌رێ دیاركرن، دڕوودانێدا شه‌ش كه‌س برینداربوون و برینا ئێك ژ وان یا دژواره‌، پۆلیس دبێژن: ژماره‌یه‌كا مه‌زن یا پۆلیسان ب هێلیكۆپته‌ران ڕه‌وانى جهێ ڕوودانێ هاتنه‌ كرن و كه‌سه‌ك هاته‌ ده‌سته‌سه‌ركرن.
میدیایا توركیا، كوردان ب هندێ تومه‌تبار دكه‌ن كو سه‌ر ب پارتا كرێكارێن كوردستانێ – په‌*كه*‌كێ بوون و ئالایێ وان بلندكربوو.