ئەشواق جاف: سالانە عێراق ئاریشان بۆ ھەرێما کوردستانێ دروست دكه‌ت

ئاژانسا خانی:

ئەشواق جاف” ئه‌نداما كۆمیتا ناڤین یا پارتی دیموكراتی كوردستان” بۆ ئاژانسا خانی دیار كر: بابەتێ دادگه‌ها فیدرالی بابەته‌كێ درێژە و بەغدا چەندین یاسا بنپێكرینه‌ و ئه‌ڤ ئاریشێن هه‌ین ژی ل سالا 2009 ێ ده‌ستپێكرینه‌، د خولا دووێ یا هه‌لبژارتنێن عیراقێ ل سالا 2009 ێ”  یاسایا هه‌لبژارتنان هاته‌ هه‌موار كرن و عێراق بوو 18 بازنێن ھەلبژارتنان، هه‌روه‌سا ب مەره‌ما ڤه‌کرنا فرەبازنەیی” ئارمانجا عێراقێ کێمکرنا دەنگێن کوردان بوویه‌، چونكی ئەو عەقلیەتا نوكه‌ ل بەغدا هه‌یی عەقلیەته‌كا مەرکەزییە و ل دژی ھەرێمی کوردستانێ یه‌.

ناڤهاتییێ گۆت ژی: دەستوورێ عیراقێ گه‌له‌ك ب ئاشکرایی ئاماژە ب ھەرێما فیدرالی یا هه‌رێما کوردستانێ كرییه‌، نوكه‌ ھنده‌ك پەرلەمانتار ل بەغدا دبێژن چ تشت نینە ب ناڤێ ھەرێما کوردستانێ، ئاریشا مه‌ هنگێ دەستپێکر ده‌مێ ل سالا 2010 ێ” مه‌ شه‌رێ بده‌ستڤه‌ئینانا بودجەیێ پێشمەرگەیی و بجهئینانا مادێ 140 یێ دەستووری و شەرێ نەفتا کوردستانێ دکر، ل سالا 2012 ێ  ئەوان شەر ل دژی مە دەستپێکر، سالانە بەغدا ئاریشان بۆ ھەرێما کوردستانێ دروست دكه‌ت و سال بۆ سالێ پشکا ھەرێما کوردستانێ کێم دكه‌ت.

 ئەشواق جافێ دیار كر ژی: ل سالا 2014 ێ” عیراقێ پشكا بودجەیێ ھەرێما کوردستانێ بڕی، دەستوورێ نوكه‌ یی عێراقێ یێ باشە بۆ خەڵکێ عێراقێ، بەلێ ئاریشە د دەستووری دا نینە، ئاریشە د شرۆڤه‌كرنا دەستووری دا هه‌نه‌ و ھنده‌ک لایەن د بەرژەوەندییا خۆ دا دخوینن، هه‌كه‌ ئەڤ دەستوورێ عێراقێ وەکو خۆ بهێته‌ بجهئینان مە ئاریشە ل گەل دەستووری نینن” نوكه‌ ب تنێ د ده‌ستورێ عیراقێ دا دو برگه‌ هاتینه‌ بجهئینان” ئه‌و ژی دانانا حكومه‌تا عیراقێ و په‌رله‌مانێ عیراقێ بووینه‌ و برگێن دی هه‌موو نه‌هاتینه‌ بجهئینان” له‌وما دڤێ قووناغێ دا دڤێت كورد ئێك رێز بن و دڤێت ئه‌م هه‌موو به‌رگریێ ژ كوردستانێ بكه‌ین.