ئاژانسا خانی:
سەرۆکێ دەستەیا وەبەرھێنانێ ل ھەرێما کوردستانێ دیار كر: پشتی شانده‌كێ حکومەتا ھەرێما کوردستانێ سەره‌دانا وه‌لاتێ ئیتالیا کری و سه‌ره‌دانا چه‌ند وه‌زاره‌تان كری” وه‌سا بریارە شانده‌كێ حكومه‌تا ئیتالی ژی سەره‌دانا ھەرێما کوردستانێ بکەن.
د. محەمەد شوکری، زێده‌تر بۆ ئاژانسا خانی گۆت: شاندێ حکومەتا ھەرێما کوردستانێ ل ئیتالیا ل گەل سیناتێن ئیتالیا کۆمبوویە و به‌حسێ ره‌وشا ھەرێما کوردستانێ هاتییه كرن و لێکتێگەهشتنه‌كا باش ھەبوویه، پێشوازیەکا گه‌له‌ك باش ل شاندێ حکومەتا ھەرێمێ هاتییه کرن و ئه‌م ل گەل بریکارێ وەزیرێ دەرڤە و وەزیرێ بەرگرییێ و وەزیرێ ژینگەهێ وزەیا ئیتالی کۆمبووینه.
ناڤهاتی گۆت ژی: ل ده‌مێ سه‌ره‌دانا مه دا بۆ ئیتالیا” وان سۆزدایه شانده‌كێ وەزارەتا ژینگەهـ و وزەیا ئیتالیا سەره‌دانا ھەرێما کوردستانێ بکەن و دێ مه هنده‌ك لێکتێگەهشتن هه‌بن، ھه‌روه‌سا دێ کۆمبوونێن تایبەت دناڤبه‌را بازرگان و وەبەرھێنەرێن كوردستانێ و ئیتالی د بیاڤێن وزێ و بازرگانی هه‌بن، د هه‌مان ده‌مدا ئیتالیا وه‌لاته‌كێ گرنگە ژ لایێ ئابووری ڤه و دێ مفایه‌كێ باش ژی بۆ ھەرێما کوردستانێ هه‌بیت”.
