ژ پێخەمەت بەرژەوەندییا گشتی و خزمەتگوزارییێن ساخلەمییێ ل ڕۆژانێن جەژنا ڕەمەزانێ وەزارەتا ساخلەمییێ چەند رێنما بەلاڤكرن.
د. سامان بەرزنجی، وەزیرێ ساخلەمییێ ئەڤرۆ ڕاگەهاند، ڕێڤەبەرییێن گشتی یێن ساخلەمییێ ل هەولێر، دهۆك، سلێمانی، هەلەبجە، گەرمیان، سۆران، ڕاپەرین، زاخۆ و كویە هاتینە ئاگەهداركرن، ژ پێخەمەت بەرژەوەندییا گشتی و خزمەتگوزارییێن ساخلەمییێ بۆ ڕۆژانێن جەژنا ڕەمەزانێ چەند رێنما هاتینە بەلاڤكرن.
* ئەڤ خالێن ل خوارێ نە؛
1- دانانا لژنەكێ بۆ دویڤچوونا هەمی ڕێڤەبەرییێن گشتی و نەخۆشخانەیان.
2- بۆ هەر كارەكێ پێدڤی و نەچاڤەڕێكری دێ هێلا پەیوەندییان هەبیت.
3- د دەمێ پێدڤی دا كوگەهێن دەرمانان و پێدڤییێن پزیشكی و تاقیگەهـ دێ د ڤەكری بن.
4- پابەندبوونا پزیشكێن بسپۆر و پەرستار و كارمەندێن ساخلەمییێ ب دەوامێ.
5- هاتنا ژوور یا ڕاگەهاندنێ ب تنێ دێ ب ڕێكا ڕاگەهاندنا ڕێڤەبەرییێ بیت.
6- ئامارا ڕۆژانە د دەمێ 24 دەمژمێران دا دێ ب ڕێكا مۆبایلێ ژ 8 سپێدێ هەتا 8 سپێدا ڕۆژا دی بیت و دێ هێنە ڕەوانەكرن بۆ ڕێڤەبەریێن گشتی.
7- ڕۆژانە فۆرما تایبەت ب ئاماران ب هێتە ڕەوانەكرن بۆ ڕێڤەبەریێن گشتی.
8- ئامادەباشی بۆ ئەمبۆلانس ە دابینكرنا گاز و پانزینێ بیت.
9- دویڤچوونا بەردەوام بۆ پڕۆژەیێن پاقژكرنێ و دابینكرنا خوارنێ.
10- هێلێن مۆبایلان یێن بەرپرس دێ د ڤەكری بن.
11- هەمی سەرەدان و پێزانین تایبەت بۆ نەخۆشخانەیێن هەوارهاتنێ بهێنە تۆماركرن.
12- سەنتەرێن وەرگرتنا چارەسەرییێن كیمیایی بۆ نەخۆشێن پەنجەشێرێ پێدڤیە د ڤەكری بن.
13- سەنتەرێن شویشتنا گولچیسكان ژی پێدڤیە د ڤەكری بن.
14- تیمێن هەوارهاتن و هێلا 122 بەردەوام دێ د كاریدا بن.
15- تیمێن پشكنینێن ئاڤا ڤەخوارنا مالان و نەخۆشییێن دهێنە ڤەگوهاستن و چاڤدێرێن ساخلەمییێ دێ بەردەوام كاریدا بن.
16- پێشكێشكرنا خزمەتگوزاریێن ساخلەمییێ بۆ ئاوارەیێن ل كەمپان دێ بەردەوام بن.
17- تیمێن ساخلەمییێ ل جهێن گەشتیاری دڤێت بهێنە دانان .
