ئەندامەكێ لژنا مافێ مرۆڤی ل پەڕلەمانێ عیراقێ ڕاگەهاند، دیاردەیا بكارئینانا ماددەیێن هۆشبەر ژ ڕوویێ ژمارا بەکارهێنەران و بڕا ئەو ماددێن کو د چارچوڤێ یاسایا ماددەیێن هۆشبەر و ماددەیێن دەروونی دا یا ژمارە 50 یا سالا 2017 هاتینە قەدەغەكرن، بەردەوام د زێدەبوونێ دایە.
زوهێر فه‌تلاوی، ئەندامێ لژنه‌یا مافێ مرۆڤی ل پەڕلەمانێ عیراقێ د لێدوانەكا ڕۆژنامەڤانی دا دیار ژی كر، پتریا بكارئینانا ماددەیێن هۆشبەر ب ڕێیا وان دەرمانێن ووزەبەخش و ڤیتامینایە یێن كو وەزارەتا ساخلەمییێ مۆلەتێ ب هاوردەكرنا وان ددەن. فه‌تلاوی داخواز ژی دكەت ڕێككارێن چاڤدێرییێ ل دەروازەیێن سنۆری و هشكاتی و ئاسمانی و دەریایی بۆ ڕێگرییێ ل دزەپێكرنا ماددەیێن هۆشبەر بهێنە تۆند كرن.
دوماهی ئامارێن ڕێڤەبەرییا ڕویبڕویبوونا ماددەیێن هۆشبەر ل وەزارەتا ناڤخۆ یا عیراقێ دیاردكەن، ل دەمێ سێ سالێن بووری، زێدەتر ژ 1200 کیلۆگرامێن ماددەیێن هۆشبەر ب قاچا‌غ هاوردەی ناڤ ئاخا عیراقێ هاتینەكرن و د ڤی دەمی دا زێدەتر ژ 50 هزار کەسان ژ بازرگان و بەکارهێنەران هاتینە دەستەسەركرن، کو پتریا وان ژیێ وان دناڤبەرا 18 بۆ 35 سالییێ دایە.
