شهمۆ قاسم، شارەزا و نڤیسەر د بوارێ ئێزدیاتیێدا بۆ ئاژانسا خانی ڕاگەهاند، جهژنا سەرێ سالا ئێزدیا ل ههمى سالان چارشهمبا ئيكێ يا ههيڤا نيسانێ لدووڤ سالناما كوردى دهێتەكرن و ئهڤێ جهژنێدا چهندين ڕێورهسمێن تايبهت ههنه ژ وان ژی كو هێك دهێنه ڕهنگرن و ڕهنگكرنا هێكێ جوانیا سرۆشتیه.
شهمۆ قاسم گۆت:” ل ئێڤارییا جهژنێ بابه شێخ و كهسانێن دگهلدا دچنه پهرسگهها لالش و 365 شهمالكان ههلدكەن، ڕامان ژێ 365 ڕۆژێن سالێ نه ئانكو سالا نوى دێ دهسپێكهت، ژنك ژی خارنێن خۆ حازردكهن و دچنه گورستانان ب مهرهما و بیرهاتنایه و خارنێ ددهنه فهقیران “.
هەروەسا دیاركر، ل سپێدههییا جهژنێ مالێن ئيزدى كوليلكێن نیسانێ یێن سۆر ب هندهك ههریێ یان ژى ب ههڤیرى ب دهرگههێ خۆ ڤە دكهن و قالكهكا هێكێ دانه سهر ههڤیرى، ههروهسا گیایهك یێ ههى ب ناڤێ بێناڤ ئهوى گیایى ژى ب دهرگههێن مالێ ڤه دكهن، ئهو چهنده نيشانه بۆ هندى كو ئهڤ ماله ئيزدى يه و دهسپێكا بهارێ یه.
شهمۆ قاسم ڕاگەهاند ژی، شڤان سپێدههییا جهژنێ پهزى ژ كوتانى دهردئێخن و بهرخكا بهردهنه دناڤ پهزى و دبێژنێ شیرێ ئهڤرۆ بهرهرا بهرخی یه، ههروهسا پشتى نیڤرۆ بێریڤان دێ چن و گههنه شڤانى دێ گوپالى ژێ وهرگرن و دێ پرت پرت كهن، ههر بێریڤانهك دێ پرتهكا وى گۆپالى ل دهف خۆ ههلدگریت و دهمێ ڤهگهریانێ ب مهشكا خۆ ڤهدكهن ب مهرهما هەیڤا خێر و بهرهكهتێ.
شارەزایێ د بوارێ ئێزدیاتیێدا دیاركر ژی، ل دەف ئێزدیان د هەیڤا نیسانێدا نابیت بیك بهێنە ڤەگوهاستن ژبەركو دبێژن نیسان بویكا سالێ یە، هەروەسا نابیت ئەرد بهێتە كۆلان ژبەركو گیا یێ كەسكە و دێ كارتێكرن لێ بیت.
